आइतवार, कार्तिक २३ गते २०८३
आइतवार, कार्तिक २३ गते २०८३
शनिवार , मंसिर २८, २०७६
काठमाडौं ।अाज बिहान १० बजे उपसभापति विमलेन्द्रलाई लिएर सभापति देउवा पौडेल निवास बोहोराटार पुगे । पछिल्लो समय पार्टीमा बढेको बिबाद मथ्थर पार्ने प्रयासस्वरुप काँग्रेसका सभापति शेरबहादुर देउवा शनिबार बिहान नेता रामचन्द्र पौडेलसँग भेट गरेका हुन ।
पार्टीको स्थानीय तहका संरचनालाई नयाँ राज्य संरचनाअनुसार समायोजन गरेर मात्रै महाधिवेशनको कार्यतालिका ल्याउने देउवा पक्षको अडानपछि पौडेल पक्ष बैठक बहिस्कार गरेको थियो । यस्तै देउवा पक्षले पार्टीका केन्द्रीय विभाग २८ बाट बढाएर ४१ बनाउने प्रस्तावप्रति पनि पौडेल पक्षको विमति रहेको छ ।
पौडेल पक्षको बहिस्कारका बीच देउवा पक्षले केन्द्रीय समिति बैठकमा छलफलका लागि ९ वडा एजेण्डा प्रस्तुत गरेको थियो । सोही विषयमा सहमति खोज्न तथा पौडेललाई फकाउन देउवाले अग्रसरता लिएको बताइएको छ ।
शनिबारको छलफलमा पौडेलले महाधिवेशनको कार्यतालिका केन्द्रीय समितिको एजेण्डा बन्नुपर्ने अडान राखेको जनाइएकाे छ । देउवाले छलफलको सुरुमा पार्टीको स्थानीय तहका संरचनालाई संघीय संरचना अनुसार समायोजन गरेर मात्रै महाधिवेशनको कार्यतालिका ल्याउन सकिने अडान दोहोर्याएका जनाइएकाे छ ।
