आइतवार, कार्तिक २३ गते २०८३
आइतवार, कार्तिक २३ गते २०८३
सार्वजनिक यातायात चलाउन दबाब
मंगलवार , आषाढ २३, २०७७
काठमाडौं, असार । प्रधानमन्त्री केपी शर्मा ओलीले सार्वजनिक यातायात सञ्चालनका लागि तयारी गर्न निर्देशन दिएका छन् ।
मंगलबारको मन्त्रिपरिषद् बैठकमा उनले कोभिड–१९ क्राइसिस मेनेजमेन्ट सेन्टर (सिसिएमसी)मार्फत यसको गृहकार्य गरी प्रस्ताव ल्याउन निर्देशन दिएका हुन् ।
सरकारले स्वास्थ्य मापदण्ड लागू गरेर सार्वजनिक यातायात सञ्चालन गर्न लागेको छ । लकडाउन अझै लम्बिने, तर सार्वजनिक यातायात नचल्दा सर्वसाधारण समस्यामा परेपछि सञ्चालन गर्न लागिएको हो ।
त्यस्तै, ट्याक्सीमा एकजना मात्र यात्रु राख्ने गरी सञ्चालन गर्न दिने तयारीबारे पनि छलफल भएको पर्यटनमन्त्री योगेश भट्टराईले बताए । सिसिएमसीले यससम्बन्धी विस्तृत योजना बनाएपछि सरकारले सार्वजनिक यातायात सञ्चालन गर्नेछ ।
यातायात व्यवसायी तथा ट्याक्सीचालकहरूले सार्वजनिक यातायात चलाउन दबाब दिँदै आएका छन् ।
