आइतवार, कार्तिक २३ गते २०८३
आइतवार, कार्तिक २३ गते २०८३
बैठक : अर्को सूचना नहुन्जेलसम्मका लागि स्थगित
मंगलवार , बैशाख ३०, २०७७
काठमाडौं, वैशाख । नेकपा स्थायी कमिटीको बैठक स्थगित भएको छ । आज ११ बजेका लागि बोलाइएको बैठक अर्को सूचना नहुन्जेल सम्मका लागि स्थगित गरिएको नेकपा महासचिव विष्णु पौडेलले सञ्चारकमीर्लाइ जानकारी दिए ।
पौडेलका अनुसार कोरोना सङ्क्रमणको त्रास बढेकाले बैठक स्थगित गरिएको हो । स्थायी कमिटीका सबै सदस्यको स्वास्थ्य परीक्षण नगरिएकाले पनि तत्काल बैठक बस्न नसकेको हो ।
सांसदहरुको कोरोना परीक्षण गरिए पनि स्थायी कमिटीका सबै सदस्य भने सांसद नरहेकाले केही स्थायी कमिटीका सदस्यहरुको परीक्षण नभएको नेकपाले जनाएको छ ।
नेकपाका ४५ सदस्यीय स्थायी कमिटी छ । आमन्त्रितसमेत गरी ५१ जना पुग्छन् । अग्नि सापकोटा सभामुख चयन भएकाले अहिले नेकपामा ५० जना मात्र स्थायी कमिटी सदस्य छन् ।
