आइतवार, कार्तिक २३ गते २०८३
आइतवार, कार्तिक २३ गते २०८३
परिस्थितिलाई थप असहज बन्नबाट सरकारले रोक
सोमवार , बैशाख ८, २०७७
काठमाडौं, बैशाख । नेपाली कांग्रेसका सभापति शेरबहादुर देउवाले कोरोना संक्रमण परीक्षणको दायरा समुदायस्तरमा विस्तार गर्न आग्रह गरेका छन् । देउवाले एक अपिल जारी गर्दै उनले परीक्षणको दायरा समुदाय स्तरमा तीव्र रुपमा विस्तार गर्नुपर्ने आवश्यकता रहेको बताएका छन् ।
उनले पर्याप्त स्वास्थ सामग्री एवं पर्याप्त राहतको बन्दोबस्त गरेर सरकारले परिस्थितिलाई थप असहज बन्नबाट रोक्नुपर्ने पनि बताएका छन् ।
सभापति देउवाले कुनै पनि व्यक्तिको निश्चित आस्था र समुदायको भावनामा असर पर्ने ढंगले सरकार या कसैले पनि कुनै पनि कार्य गर्न नहुने पनि बताएका छन् ।
‘आजको चुनौतीपूर्ण घडीमा अनेक समुदाय, विभिन्न धर्मावलम्बी, सबै जाति, वर्ग र क्षेत्रलाई संयम र आपसी एकताका लागि म हार्दिक अपिल गर्दछु’ देउवाले अपिलमा भनेका छन्, ‘सबैको साथ र सबैको विश्वासले नै आजको संकटबाट पार तर्न सकिने यथार्थ पनि म स्मरण गर्न र गराउन चाहन्छु ।’
