काठमाडौं, बैशाख । प्रमुख विपक्षी नेपाली कांग्रेसले कोरोना भाइरस परीक्षणका लागि घुम्ती शिविर चलाउन सरकारसँग माग गरेको छ । लकडाउन सुरु हुनुभन्दा अघिल्लो साता मात्र करिव २ लाख मानिस नेपाल प्रवेश गरेको र उनीहरुमध्ये १५ प्रतिशत मात्र क्वारेन्टाइनमा बसेको कांग्रेसले बताएकाे छ ।
कांग्रेसले विज्ञप्तिमा भनेको छ, ‘बाहिरबाट आएर गाउँमा छरिएका कोही कसैमा लक्षण नदेखिने एसिम्टोम्याटिक रहेछ भने त्यसले भयावह स्थिति निर्माण हुनसक्छ ।’
यसका लागि घुम्ती स्वास्थ शिविरको शैलीमा समुदायमा परीक्षण पु¥याउनुपर्ने कांग्रेसले बताएको छ । कांग्रेस प्रवक्ता विश्वप्रकाश शर्माले जारी गरेको विज्ञप्तिमा भनिएको छ, ‘कांग्रेस गाउँ तहसम्म ‘घुम्ती परीक्षण शिविर’ चलाउने तयारी तत्काल सुरु गर्न तीनै तहको सरकारलाई अपील गर्दछ ।’
