आइतवार, कार्तिक २३ गते २०८३
आइतवार, कार्तिक २३ गते २०८३
यस्तो छ शिक्षामन्त्रीले जारी गरेको अपिल
मंगलवार , चैत्र ४, २०७६
काठमाडौं, चैत । शिक्षा, विज्ञान तथा प्रविधि मन्त्री गिरिराजमणि पोखरेलले परीक्षा सकिएर अर्को शैक्षिकसत्र सुरु नहुन्जेलसम्म घरबाहिर नजान विद्यार्थीसँग अपिल गरेका छन् ।
मंगलबार एक अपिल जारी गर्दै उनले भनेका छन्, “शिक्षा विज्ञान तथा प्रविधि मन्त्रालयले यसअघि नै चैत्र ५ गतेसम्म कक्षा १ देखि ९ सम्मका परीक्षा सञ्चालन गरिसक्न अनुरोध गरेको थियो ।
यो परीक्षा समाप्त भएपछि अर्को शैक्षिक सत्र सुरु नहुन्जेलसम्म करिब तीनहप्ता देशभरका करिब ७० लाख विद्यालय जाने उमेरका बालबालिकाहरु घर परिवारमा नै रहनेछन् ।
संक्रमणको त्रास रहेको यो अवस्थामा परीक्षा सकेका विद्यार्थीहरुलाई घर बाहिर नजान एवम् यो अवधिमा मुलुकको विशेष परिस्थितिलाई ध्यानमा राखेर विद्यालयमा सांस्कृतिक कार्यक्रम, वार्षिक अभिभावक दिवस, नतिजा सार्वजनिककरण, प्रवेश परीक्षा वा भर्नाका नाममा भीडभाड वा आमभेला नगर्न सबैमा अनुरोध छ ।”
यस्तो छ उनले जारी गरेको अपिल
