आइतवार, कार्तिक २३ गते २०८३
आइतवार, कार्तिक २३ गते २०८३
काँग्रेसमा विलय हुँदाकाे सहमति कायार्न्वयन
शुक्रवार , फाल्गुण २३, २०७६
काठमाडौं, फागुन । विजयकुमार गच्छदार नेतृत्वको तत्कालीन नेपाल लोकतान्त्रिक फोरमका ११ जनालाइ नेपाली काँग्रेसका सभापति शेबहादुर देउवाले केन्द्रीय सदस्यमा मनोनित गरेका छन् । सभापति देउवाले शुक्रबार सांगठनिक संरचना समायोजन गरिएको सहमति अनुसार ११ जनालाई केन्द्रीय सदस्यमा मनोनयन गरेको हुन् ।
केन्द्रीय सदस्यमा कैलालीका रामजनम चौधरी सिराहाका नसिर सिद्धिकी , झापाका भारतेन्दुकुमार मल्लिक, सप्तरीका हेमराज तातेड, बर्दियाका गोपाल दहित, बर्दियाका मंगलप्रसाद थारु, दाङका योगेन्द्र चौधरी, मोरङका हरिप्रसाद न्यौपान, सुनसरीकी सुमित्रा थरुनी, सुनसरीकी कल्पना चौधरी, र मोरङका पवनकुमार सारडा रहेको छ ।
गच्छदार २०७५ कात्तिक २० गते काँग्रेस उपसभापतिमा मनोनित भएका थिए भने ०६७ असोजमा उनलाई ११ जना केन्द्रीय सदस्यको नाम पठाउन भनिएको थियो । उनले आज नाम पठाएपछि देउवाले मनोनयन गरेका हुन् ।
याेसँगै काँग्रेसको केन्द्रीय समितिमा पदाधिकारीसहित निर्वाचित ८५ जना, मनोनित ८ जना, थप ५ जना शनिबार मनोनित सोमबार ८ जना मनोनित आमन्त्रित सदस्यसहित अब काँग्रेसको केन्द्रीय समितिको आकार बढेर १ सय १८ सदस्यीय कार्यसमिति बन्न पुगेको छ ।
