आइतवार, कार्तिक २३ गते २०८३
आइतवार, कार्तिक २३ गते २०८३
सहमतिका साथ अगाडी बढ्न आग्रह गर्ने
बुधवार , पौष २३, २०७६
काठमाडौँ, पुस । नेपाली कांग्रेस असन्तुष्ट पक्षका सभापतिहरुले आज पार्टी सभापति शेरबहादुर देउवालाई भेट्ने भएका छन् ।
पार्टी नेतृत्वले एकलौटी ढंगले पार्टी चलाएको र बहुमतका आधारमा महाधिबेशनको मिति तोक्ने लगायतका काम गरेको भन्दै कांग्रेसको असन्तुष्ट पक्षले संस्थापन पक्षलाई दवाव दिने र निर्णय सच्याउन लगाउने उदेश्ले जिल्ला सभापतिहरुको भेला बोलाएको थियो ।
पार्टी केन्द्रीय कार्यलय सानेपामा ३ दिन सम्म चलेको सभापतिहरुको भेलाले पार्टी सभापतिलाई निर्णय सच्याएर सहमतिका साथ अगाडी बढ्नका लागि दवाव दिने निर्णय गरेको थियो ।
भेला चलिरहेकै समयमा सभापति देउवाले आज विहान १० बजे बुढानिलकण्ठ स्थित आफ्नै निवासमा जिल्ला सभापतिहरुलाई छलफल का लागि बोलाउनु भएको छ ।
नेपाली कांग्रेसका काभ्रे जिल्ला सभापति मधु आचार्यका अनुसार काठमाडौँमा जम्मा भएका सभापतिहरुले आज देउवालाई भेटेर भेलाको निस्कर्ष सुनाउने र यस अघिका निर्णय सच्याएर सहमतिका साथ अगाडी बढ्न आग्रह गर्ने छन् ।
