काठमाडौं, मंसिर ।
नेपाली बजारमा सुन-चाँदीको मूल्यमा भारी गिरावट आएको छ। बुधबार सुनको मूल्य ६ हजार ३०० र चाँदी ११० रुपैयाँले घटेको हो।
नेपाल सुन-चाँदी व्यवसायी महासंघका अनुसार प्रतितोला सुनको मूल्य २ लाख ६० हजार ९०० रुपैयाँ कायम भएको छ।
अघिल्लो दिन मंगलबार सुनको मूल्य १ हजार ९०० रुपैयाँले घटेर प्रतितोला २ लाख ६७ हजार २०० पुगेको थियो। सुनको मूल्य घटेसँगै चाँदीको भाउ पनि ओरालो लागेको छ।
महासंघका अनुसार यसदिन प्रतितोला चाँदीको भाउ ३ हजार ३८० रुपैयाँ कायम भएको छ। मंगलबार चाँदी प्रतितोला ३ हजार ४९० रुपैयाँमा कारोबार भइरहेको थियो।