सोमवार, आश्विन ५ गते २०८३
सोमवार, आश्विन ५ गते २०८३
सोमवार , चैत्र १६, २०८२
काठमाडौं, चैत ।
नेपाली कांग्रेसका नेता पूर्णबहादुर खड्काले संख्याको हिसाबले कम भए पनि देश र जनताका सबालमा सांसदहरूले महत्त्वपूर्ण भूमिका खेल्नुपर्ने बताएका छन्।
पूर्वकार्यवाहक सभापतिसमेत रहेका खड्काले कांग्रेसले लोकतन्त्र र प्रजातन्त्रका लागि ठूलो भूमिका खेल्दै आएकाले सांसदहरूले पनि सोही मर्म अनुसार संसदमा प्रस्तुत हुनुपर्ने बताए।
संख्याको हिसाबले कम भए पनि नेपालको लोकतान्त्रिक, प्रजातान्त्रिक आन्दोलनको इतिहासको सिंगो धरोहर बोकेर तपाईँहरु संसदमा भूमिका निर्वाह गर्दैछन।
नेपालको जनताको हक र अधिकारको सन्दर्भमा हामीले वर्षौंको संघर्षबाट निर्माण गरेको संघीय लोकतान्त्रिक गणतन्त्रको संविधान र त्यो संविधानले उपलब्ध गराएको नेपाली जनताको अधिकारको हकको विषय सुनिश्चित गर्ने कुरामा तपाईंहरू प्रखररूपमा भूमिका निर्वाह गर्ने भन्ने विश्वास छ,' उनले भने।
उनले पार्टीमा संसदको अनुभव भएका धेरै जना भएकाले जुनसुकै बेला साथ र सहयोगका लागि सम्झिन आग्रह गरे। संसदको अनुभाव लिएका साथीहरू तपाईंहरुको साथमै रहनेछौं।
निर्वाह गर्नुपर्ने भूमिकामा सबै खालको सहयोग गरहनेछ। तपाईंहरूले कुनै पनि बेला सम्झिन सक्ने उनले बताए।
नेता खड्काले प्रतिनिधिसभा र राष्ट्रियसभामा रहेका सदस्यहरूले एकताका साथ देश र जनताको पक्षमा प्रस्तुत हुनुपर्ने बताए। फागुन २१ को निर्वाचनमा कांग्रेसले ३८ सिट जितेको थियो।
