सोमवार, आश्विन ५ गते २०८३
सोमवार, आश्विन ५ गते २०८३
मंगलवार , आषाढ १९, २०८१
काठमाडौँ, असार । नेपाल कम्युनिष्ट पार्टी एमालेले पुष्पकमल दाहाल प्रचण्ड नेतृत्व सरकारलाई दिएको समर्थन फिर्ता लिएको जनाएको छ ।
एमाले–कांग्रेसको सत्ता समीकरण गर्ने सहमति भएपछि सरकारलाई दिएको समर्थन फिर्ता लिएको हो ।
सो दलले सरकारलायृ दिउको समर्थन फिर्ता लिएको पत्र राष्ट्रपति कार्यालयमा पठाएको छ । एमालेले राति नै राष्ट्रपति कार्यालय, शितलनिवासमा समर्थन फिर्ताको पत्र पठाएको एमाले स्रोतले बताएको छ ।
समर्थन फिर्ताको पत्र दर्ता गराउन एमाले महासचिव शंकर पोखरेल आफैँ राष्ट्रपति कार्यालय पुगेका थिए ।
कांग्रेस एमालेबीच पहिलो चरणमा एमाले अध्यक्ष केपी शर्मा ओली प्रधानमन्त्री हुने र दोस्रो चरणमा चुनावी सरकारको नेतृत्वमा कांग्रेस सभापतिले गर्ने समझदारी भएपछि एमालेले त्यसको जानकारी प्रधानमन्त्री प्रचण्डलाई पनि गराइसकेको छ ।
जसमा एमालेले अर्थसहित ९ वटा र कांग्रेसले गृहसहित १० वटा मन्त्रालय लिनेछन् ।
प्रतिनिधि सभामा एमालेका ७८ र कांग्रेसका ८८ सांसद छन् । नेताहरूले संविधानको धारा ७६ (२) अनुसार सरकार गठनको आह्वान गर्न राष्ट्रपतिसँगै रामचन्द्र पौडेलसँग पनि परामर्श गरेका छन् ।
दाहाल नेतृत्वको सरकार विस्थापित भएपछि धारा ७६ (२) अनुसारको सरकार गठनका लागि आह्वान हुने भएको छ ।
ललितपुरमा एमाले महासचिव शंकर पोखरेल र कांग्रेस प्रमुख सचेतक रमेश लेखकसहितको छलफलमा यो समझदारीको प्रारम्भिक खाका तयार भएको थियो ।
खाका तयार गरिसकेर नेताहरु सभापति देउवा र अध्यक्ष ओलीसहित एक व्यवसायीको महाराजगन्जस्थित निवासमा छलफल गरेका थिए।
छलफलमा सहभागी एक नेताका अनुसार सहमतिको प्रारम्भिक खाका अनुसार उनीहरुले प्रदेश सरकारहरुमा पनि ३–३ वटा सरकार बाँडेका छन् ।
