सोमवार, आश्विन ५ गते २०८३
सोमवार, आश्विन ५ गते २०८३
एमाले अध्यक्ष ओलीले भने : प्रधानमन्त्री र कांग्रेससँगको छलफल सकारात्मक
शनिवार , चैत्र २५, २०७९
काठमाडौँ, चैत । संसद सञ्चालनबारे सभामुख देवराज घिमिरेले प्रधानमन्त्रीसहित नेपाली कांग्रेसका सभापति शेरबहादुर देउवार प्रमुख प्रतिपक्षी दलका नेता एवम् नेकपा एमालेका अध्यक्ष के पी शर्मा ओलीबीच छलफल गरेका छन । सभामुख घिमिरेको पहलमा भएको छलफल एमाले अध्यक्ष केपी शर्मा ओलीले सञ्चारकर्मीहरुलाई बताएका छन ।
सभामुख घिमिरेले शनिबार प्रधानमन्त्री दाहाल, प्रमुख प्रतिपक्षी दलका नेता ओली र कांग्रेस सभापति देउवालाई संसद्का गतिविधिबारे छलफल गर्न आफ्नो कार्यकक्ष सिंहदरबारमा बैठक राखेका थिए । उक्त छलफल सकारात्मक रहेको अध्यक्ष तथा प्रमुख प्रतिपक्षी दलका नेता ओलीले बताएका छन ।
प्रधानमन्त्री, सभामुख र कांग्रेस सभापतिसँगको छलफल सकारात्मक रहेको भन्दै ओलीले केही दिनभित्र फेरि छलफल हुने बताए । सदनका काम कारबाही , सदनलाई कसरी प्रभावकारी बनाउने, गतिशील ढंगले चलाउने र अहिले आइरहेका समस्या कसरी समाधान गर्ने भन्ने सम्बन्धमा छलफल सकारात्मक भएको पनि बताए ।
छलफलमा बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग ऐन, २०७१ लाई संशोधन गर्न बनेको विधेयकलाई कसरी अगाडि बढाउने, संसद्का विषयगत समिति गठन लगायतका विषयमा छललफल भएको जनाइएको छ ।
संक्रमणकालीन न्यायसँग सम्बन्धित विधेयक संसदीय समितिमा लैजाने कि सदनबाट नै पारित गर्ने भन्ने विषयमा सरकार र प्रमुख प्रतिपक्षी दल एमालेबीच मतभेद देखिएको छ ।
एमालेले समितिमा लैजानुपर्ने बताउँदै आएको छ भने सत्तारुढ दलले भने सदनबाट नै पारित गर्नुपर्ने धारणा राख्दै आएका छन् ।
छलफलमा टीआरसी विधेयकलाई कसरी अगाडि बढाउने भन्ने विषयमा पनि छलफल भएको छ । फास्ट ट्र्याक कति गर्न मिल्छ, कति मिल्दैन, समितिमा कुनै न कुनै हिसाबले लानुपर्ने होला ।ु
