आइतवार, आश्विन ४ गते २०८३
आइतवार, आश्विन ४ गते २०८३
मंगलवार , भाद्र २१, २०७९
काठमाडौँ, भदौ । आज मंगलबार बसेको सत्ता गठबन्धन कार्यदन बैठकले सिट भागबण्डा गर्ने कार्यसम्पन्न गरेको छ । कार्यदलको आज बसेको बैठकले बनाएको सिट बाँडफाँट भागवण्डामा सहमति जुटेको कार्यदलका सदस्य तथा सञ्चारमन्त्री ज्ञानेन्द्रबहादुर कार्कीले सञ्चारकर्मीलाई जानकारी दिएका छन ।
मंगलबार राती अबेरसम्म बसेको कार्यदलको बैठकले सहमति जुटाएको उनले जानकारी दिएका हुन् । उनले सहमति भएको तर लिपिबद्ध हुन बाँकी रहेको जनाएका छन ।
मंगलबार अबेर कार्यदलको बैठकपछि उनले सहमति भइसकेको उल्लेख गर्दै भोलि शीर्ष नेताहरूलाई कार्यदलको प्रतिवेदन बुझाइने जानकारी दिए ।
सहमति भएको भनिए पनि कुन दलले कति सिट लिए भन्ने विषयमा भने केही खुलाइएको छैन । कार्कीले सिट संख्याबारे अहिले नै सार्वजनिक गर्नु हतार हुने बताए ।
