सोमवार, आश्विन ५ गते २०८३
सोमवार, आश्विन ५ गते २०८३
'तीनवर्ष बस्याै, हामी माओवादीले बीउ रोपेर आएका छौं, हेर्नुहोला केही समयपछि त्यो फूल्छ, फल्छ’
बुधवार , आषाढ १५, २०७९
काठमाडौं, असार । तीन वर्ष नेकपा एमालेसँग सँगै रहँदा आफूहरुले त्यहाँभित्र बीउ रोपेर आएको बताउँदै नेकपा माओवादी केन्द्रका अध्यक्ष पुष्पकलम दाहाल ‘प्रचण्ड’ले त्यो केही समयपछि फूल्ने र फल्ने बताएका छन् ।
आज पार्टी कार्यालयमा आयोजित पार्टी प्रवेश कार्यक्रममा उनले भने, एमाले भित्रका हजारौं नेता–कार्यकर्तालाई एकीकृत गरैर लैजान सकिने अनुभव पनि आफूले प्राप्त गरेको छु ।
‘एमाले भित्रका पनि हजारौं नेता–कार्यकर्तालाई एकीकृत गरेर लान सकिने रहेछ,’ प्रचण्डको भनाइ छ, ‘तपाईंहरुलाई लाग्दो हो सकिनेरैनछ । सक्कियो, विग्रियो नि त भन्ने लाग्न सक्छ । तर, त्यहाँ बिउ रोपिएको छ । हामी माओवादीले बिउ रोपेर आएका छौं । हेर्नुहोला केही समयपछि त्यो फूल्छ, फल्छ ।’
प्रचण्डले एमालेभित्र केपी ओली नहुने हो भने हजारौंलाई समाजवादको यात्रामा डोर्याउन सकिने प्रचण्डको भनाइ छ । ‘एमालेभित्र केपी ओली प्रवृत्तिको नेतृत्व हुँदा विद्रोह गर्नुपर्यो,’ उनको भनाइ छ, ‘त्यो नेतृत्व नहुने हो भने अरु हजारौंलाई समाजवादको यात्रामा डोर्याउन सकिन्छ । एमाले भित्रका हजारौं नेता र कार्यकर्ताको नेतृत्व गर्न सकिन्छ ।’
