सोमवार, आश्विन ५ गते २०८३
सोमवार, आश्विन ५ गते २०८३
'शक्ति राष्ट रुसको चपेटामा युक्रेन, राष्ट बचाउन सर्वसाधारणदेखि राष्टपति आफै सडकमा, पिल्सिएर सहयोग मागिरहेछ युक्रेन, अमेरिका - इयू हेरिरहेछ'
आइतवार , फाल्गुण १५, २०७८
केही आवासीय क्षेत्र पनि आक्रमणमा परेका छन्। राजधानीतर्फ केन्द्रित हुँदै गरेका रुसी सेनालाई रोक्न युक्रेनले सेना परिचालन गरेको छ भने नागरिकलाई हतियार वितरण गरिएको छ।
तस्बिर स्रोत,REUTERS
बीबीसीका अनुसार, युक्रेनी राष्ट्रपतिले युक्रेन छोडेर सुरक्षित स्थानमा जान गरिएको अमेरिकी प्रस्ताव अस्वीकार गरेको विवरण प्राप्त भएको छ। उनी आफैँ किएभका सडकमा देखा परेका छन्। उनले युक्रेनको प्रतिरक्षा गरिने वाचा दोहोर्याएका छन्।
युक्रेनले सम्भावित सबै उपाय अवलम्बन गरेर रुसी सैनिकहरूको प्रतिकार जसरी सकिन्छ त्यसरी गर्न किएभवासीलाई आग्रह गरेको छ।
राष्ट्रपति भोलोदिमिर जेलेन्स्कीले आफैँले खिचेको भिडिओ ट्विटरमा प्रेषित गर्दै आफूले सेनालाई रुससँग आत्मसमर्पण गर्न आह्वान गरेको भन्ने अफवाहको खण्डन गरेका छन्। त्यस्तो अफवाहलाई निस्तेज पार्न उनी किएभका सडकमा आफैँ गएर त्यो सन्देश दिएका हुन्।
तस्बिर : NSTAGRAM/@ZELENSKIY_OFFICIAL/VIA REUTERS
"मैले सेनालाई हतियार बिसाउन भनेको तथा ठाउँ छोड्ने क्रम सुरु भएको जस्ता निकै मिथ्या सूचनाहरू अनलाइनमा छन्," उनले भने। "म यहीँ छु। हामी हतियार बिसाउँदैनौँ।
हामी हाम्रो राष्ट्रको प्रतिरक्षा गर्छौँ।" उनको उद्धार गर्ने वाशिङ्टनको प्रस्तावलाई जेलेन्स्कीले अस्वीकार गरेको अमेरिकी सञ्चारमाध्यमले जनाएका छन्।
"लडाइँ यहाँ भइरहेको छ। मलाई हतियार चाहिएको छ, कुनै सवारी होइन," अमेरिकी समाचारसंस्था एपीले वार्तालापबारे जानकारी भएका एक वरिष्ठ गुप्तचर अधिकारीलाई इङ्गित गर्दै जेलेन्स्कीले त्यसो भनेको जनाएको छ।
द वाशिङ्टन पोस्टले पनि अमेरिकी र युक्रेनी अधिकारीहरूलाई उद्धृत गर्दै अमेरिकी सरकार जेलेन्स्कीलाई सहयोग गर्न तयार रहेको जनाएको छ। रुसी हमलाविरुद्ध जनाएको प्रतिक्रियाका कारण जेलेन्स्कीको सामाजिक सञ्जालमा प्रशंसा भइरहेको छ।
तस्बिर स्रोत,EPA
तस्बिर : REUTERS
तस्बिर : REUTERS
तस्बिर : REUTERS
तस्बिर : GETTY IMAGES
तस्बिर : REUTERS
तस्बिर : SARAH RAINSFORD/BBC
तस्बिर : EPA
तस्बिर : GETTY IMAGES
तस्बिर : REUTERS
तस्बिर स्रोत,SARAH RAINSFORD/BBC
तस्बिर : REUTERS
तस्बिर : REUTERS
तस्बिर : REUTERS
