सोमवार, आश्विन ५ गते २०८३
सोमवार, आश्विन ५ गते २०८३
सोमवार , कार्तिक १५, २०७८
विराटनगर, कात्तिक । प्रदेश प्रमुख सोमनाथ अधिकारी प्यासीले नयाँ सरकार गठनका लागि आव्हान गरे लगतै विपक्षी गठबन्धनले नेकपा एकीकृत समाजवादीका नेता राजेन्द्र राईलाई मुख्यमन्त्री नियुक्त गर्न दावी पेश गरेको छ ।
प्रदेश प्रमुख सोमनाथ अधिकारी ‘प्यासी’ले नयाँ सरकार गठन गर्न मंगलबार दिउँसो १ बजेसम्मको समय दिए पनि विपक्षी गठबन्धनले सोमबारनै ४९ जना प्रदेशसभा सदस्यको हस्ताक्षरसहित दावी पेश गरेको हो ।
नयाँ सरकार बनाउन नेपाली काँग्रेसका २१, नेकपा माओवादी केन्द्रका १४, नेकपा एकीकृत समाजवादीका १०, जनता समाजवादी पार्टीका ३ र संघीय लोक्तान्त्रिक राष्ट्रिय मञ्चका एक जना गरी ४९ सांसदले हस्ताक्षर गरेका छन । नेकपा माओवादी केन्द्रबाट निर्वाचित उपसभामुख सरस्वती पोखरेल मातृशोकमा काठमाडौमा रहेकाले उनको हस्ताक्षर भने विपक्षी गठबन्धनले सामेल नगरेको बताइएको छ ।
मुख्यमन्त्री भीमप्रसाद आचार्यले सोमबार प्रदेशसभाबाट विश्वासको मत लिने तयारी गर्नुभए पनि संसदको अंकगणित अनुकुल नभएको भन्दै पदबाट राजीनामा दिएका छन ।
