images
Logo

बुधबार, मंसिर १४ २०७९Nov 30 2022

images
प्रतिनिधि / प्रदेशसभा निर्बाचन  - २०७९

निर्बाचन आयोग भन्छ : 'मतगणनाको अन्तिम नतिजा आउन ५ दिन लाग्‍छ'

निर्बाचन आयोग भन्छ : 'मतगणनाको अन्तिम नतिजा आउन ५ दिन लाग्‍छ'

बुधबार, मंसिर ७ २०७९

  • 301
    SHARES

  • निर्बाचन आयोग भन्छ : 'मतगणनाको अन्तिम नतिजा आउन ५ दिन लाग्‍छ'
    फाइल तस्बीर


    काठमाडौँ, मंसिर ।  निर्वाचन आयोगले प्रदेश र प्रतिनिधिसभाको मत गणना चार दिनभित्रसक्ने जनाएको छ । विवादले पुन: निर्वाचन हुने र मत गणना हुन बाँकी रहेको क्षेत्र बाहेकको मतगणना सोमबार बेलुकासम्म सकिने आयोगका सहायक प्रवक्ता कमल भट्टराईले बताए ।
    उनका अनुसार दोलखा, स्याङजामा निर्वाचन भएपनि विवादको कारण मत गणना हुन सकेको छैन । बाजुरामा पनि विवाद छ । ‘यी तीन जिल्ला बाहेकको मत गणना ढिलामा सोमबारसम्म सक्छौं,’ उनले भने । 
    एक पटकमा प्रतिनिधिसभाको प्रत्यक्ष, समानुपातिक, प्रदेशको प्रत्यक्ष र समानुपातिकको मत एकै पटक गणना भइरहेकोले नतिजा केही ढिलाइ भएको हुन सक्ने उनले बताए ।
    काठमाडौंको १० वटै निर्वाचन क्षेत्रको गणना सकिएको छ । त्यस्तै बढी मतदाता भएको झापा, मोरङमा पनि अन्तिम चरणमा रहेको उनले बताए । एउटा निर्वाचन क्षेत्रको मत गणना ५ ठाउँसम्म गणना भइरहेको उनले बताए ।

    ‘हिमाली जिल्लामा पनि हेलिकप्टरबाट मतपत्र ढुवानी गरेर गणना सुरु भइसकेको छ । अब गणना हुन बाँकी विवाद भएको जिल्लामा मात्रै बाँकी छ,’ भट्टराईले भने ।

    प्रतिनिधि सभा तथा प्रदेश सभा सदस्य निर्वाचनको १६५ वटै निर्वाचन क्षेत्रको मतपेटिका मतगणना स्थलमा पुर्‍याइएको आयोगले जनाएको छ ।

    बुधबार, मंसिर ७ २०७९०८:३९:५९

    डेमो खबर डेस्क

    सम्बन्धित समाचार