images
Logo

आइतबार, असोज ९ २०७९Sep 25 2022

images
अमेरिकी सिनेट   

बन्दुक नियन्त्रण विधेयक पारित : “ ३९ करोड अमेरिकी जनतासँग बन्दुक ”

बन्दुक नियन्त्रण विधेयक पारित : “ ३९ करोड अमेरिकी जनतासँग बन्दुक ”

शनिबार, असार ११ २०७९

  • 1.4K
    SHARES

  • बन्दुक नियन्त्रण विधेयक पारित  : “ ३९ करोड अमेरिकी जनतासँग बन्दुक ”

     

    वासिङटन,  असार । अन्ततः अमेरिकाले बन्दुक नियन्त्रण सम्बन्धी विधेयक पारित गरेको छ । अमेरिकी सिनेटले गएराति उक्त विधेयका पारित गरेको हो । सिनेटमा भएको मतदानमा विधेयकको पक्षमा ६५ र विपक्षमा ३३ मत परेको थियो । 
    पन्ध्र जना रिपब्लिकन विधायकले पनि विधेयकको पक्षमा मतदान गरेका थिए । तीन दशकपछि बन्दुक हिंसा नियन्त्रणसम्बन्धी विधेयक पारित भएकामा खुशी व्यक्त गर्दै राष्ट्रपति जो बाइडेनले विद्यालयमा बालबालिकाको सुरक्षा सुनिश्चित गर्न समुदायलाई सुरक्षित बनाउन मद्दत पुग्ने बताए । 
    अब उक्त विधेयक प्रतिनिधिसभामा प्रस्तुत हुनेछ । प्रतिनिधिसभाबाट अनुमोदन भएपछि राष्ट्रपतिले लालमोहर लगाउने छन् । राष्ट्रपतिबाट विधेयक स्वीकृत भएपछि विधेयक कानुनमा रुपान्तरण हुनेछ । राष्ट्रपतिले विधेयकमा शीघ्र मतदान हुनुपर्ने बताएका छन् । 
    टेक्सासको  उभल्देस्थित एक प्राथमिक विद्यालयमा १९ जना बालबालिका र दुई जना शिक्षक बन्दुको हिंसामा मारिएको ठ्याक्कै एक महिना पछि आज १३ अर्ब डलरको प्याकेज समेटिएको उक्त विधेयक मतदानका निम्ति प्रतिनिधिसभामा प्रस्तुत हुँदैछ । 
    मानसिक स्वास्थ्य, विद्यालय सुरक्षा, आपत्कालीन अवस्थामा तत्काल हस्तक्षेप गर्ने अधिकारसहितका कार्यक्रम, आपराधिक पृष्ठभूमि जाँच प्रणालीमा किशोर किशोरीका अभिलेख समावेशलगायत प्रावधान प्याकेजमा समावेश गरिएको छ । 
    उनान्चालीस करोड अमेरिकीसँग बन्दुक रहेका तथा सन् २०२० मा मात्र बन्दुकसम्बन्धी हिंसामा परी ४५ हजारभन्दा बढी अमेरिकी नागरिकको मृत्यु भएको थियो । बन्दुक हिंसाको प्रकोप नियन्त्रण गर्ने विधेयकको धेरैले स्वागत गरेका छन् । एएनआई

     

    शनिबार, असार ११ २०७९१०:११:३२

    डेमो खबर डेस्क

    सम्बन्धित समाचार