Logo

आइतवार, आषाढ ६ २०७८Jun 20 2021

images

चार अन्तरिक्ष यात्री : 'आइतबार पृथ्वीमा अवतरण '

चार अन्तरिक्ष यात्री : 'आइतबार पृथ्वीमा अवतरण '

आइतवार, बैशाख १९ २०७८

  • 1.7K
    SHARES

  • चार अन्तरिक्ष यात्री  :  'आइतबार पृथ्वीमा अवतरण '

    वासिङ्टन, बैशाख । स्पेश–एक्स ड्रागनमार्फत् चार अन्तरिक्ष यात्री आइतबार बिहान पृथ्वीमा अवतरण गरेका छन् । अमेरिकी अन्तरिक्ष विज्ञान संस्था (नासा) का अनुसार अन्तरिक्ष यात्री पनामा सिटी नजिकको समुद्री जलक्षेत्रमा अवतरण गरेका छन् ।

    ती अन्तरिक्ष यात्रीहरु अन्तर्राष्ट्रिय अन्तरिक्ष केन्द्रमा छ महिना रहेका थिए । उनीहरु जलक्षेत्रमा अवतरण गर्नासाथ डुङ्गा मार्फत् उनीहरुलाई बाहिर निकालिएको थियो ।

    नासाले सबै चार अन्तरिक्ष यात्रीले आफूहरु ठीक रहेको बताएको जनाएको छ । फ्लोरिडाको तटीय गल्फ अफ मेक्सिकोमा आइतबार बिहान २ बजेर ५६ मिनेटमा पृथ्वीमा उनीहरु अवतरण गरेका थिए ।

    उनीहरुलाई अन्तर्राष्ट्रिय अन्तरिक्ष केन्द्रबाट पृथ्वीमा आइपुग्न साढे छ घण्टा लागेको नासाले जनाएको छ । गत नोभेम्बरमा मिचेल हप्किन्स, भिक्टर ग्लोभर, शानोन वाल्कर र जापानका सोइची नोगुची अन्तरिक्षमा जानु भएको थियो ।

    उनीहरु अन्तरिक्षमा जाँदा एलन मस्कले निर्माण गरेको स्पेश–एक्सबाट प्रस्थान गरेका थिए । सात जना अन्तरिक्ष यात्रीहरु अझै पनि अन्तर्राष्ट्रिय अन्तरिक्ष केन्द्र (आइएसएस) मा रहेका छन् । उनीहरु गत साता स्पेस–एक्स मार्फत् नै अन्तरिक्षमा पुगेका हुन् ।

    आइतवार, बैशाख १९ २०७८०२:४५:२४

    डेमो खबर डेस्क

    सम्बन्धित समाचार