Logo

बुधवार, बैशाख २९ २०७८May 12 2021

images
चिनियाँ “बेल्ट एन्ड रोड” अभियान

राष्ट्रपति सी चिनफिङले भने : "अन्य पक्षसँगको साझेदारीलाई थप सुदृढ गर्न चीन प्रतिबद्ध "

राष्ट्रपति सी चिनफिङले भने : "अन्य पक्षसँगको साझेदारीलाई थप सुदृढ गर्न चीन प्रतिबद्ध "

मंगलवार, बैशाख ७ २०७८

  • 993
    SHARES

  • राष्ट्रपति सी चिनफिङले  भने :  "अन्य पक्षसँगको साझेदारीलाई थप सुदृढ गर्न चीन प्रतिबद्ध "

    बेइजिङ, वैशाख । चीनका राष्ट्रपति सी चिनफिङले उच्च गुणस्तरीय “बेल्ट एन्ड रोड” (बीआरआई) सहयोगमा अन्य पक्षसँगको साझेदारीलाई थप सुदृढ गर्न र यस अभियानलाई निरन्तरता दिन चीन प्रतिबद्ध रहेको बताउनुभएको छ ।

    बोआओ मञ्चको वार्षिक शिखर बैठकको उदघाटन समारोहमा भिडियो कन्फरेन्समार्फत मङ्गलबार सम्बोधन गर्दै राष्ट्रपति चिनफिङले सबै देशका जनताको जीवन र स्वास्थ्य सुरक्षित गर्नका लागि सङ्क्रामक रोग नियन्त्रण, जनस्वास्थ्य, परम्परागत औषधि र अन्य क्षेत्रमा विभिन्न पक्षसँग स्वास्थ्य साझेदारीका कार्यलाई थप विस्तार गरिने प्रतिबद्धता व्यक्त गर्नुभयो ।

    उहाँले भन्नुभयो, चीनले सम्पर्क सञ्जालका लागि सुदृढ साझेदारी निर्माण गर्नेछ, एवं “हार्ड” र “सफ्ट” जस्ता सबै किसिमका पूर्वाधार निर्माणलाई प्रवर्धन गर्न सबैसँग मिलेर कार्य गर्न चीन तत्पर छ ।

    उहाँले स्वच्छ विकासका लागि चीनले अझ निकट साझेदारी निर्माण गर्ने बताउँदै अन्य मुलुकलाई पनि हरित पूर्वाधार, हरित ऊर्जा र हरित वित्तका क्षेत्रमा पारस्परिक सहयोगलाई थप सुदृढ गर्न आग्रह गर्नुभयो ।

    राष्ट्रपति सी ले बीआरआई अन्तर्राष्ट्रिय हरित विकास साझेदारीलाई थप सुधार गर्न आग्रह पनि गर्नुभयो । उहाँले बेल्ट एन्ड रोड (बीआरआईं लाई गरिबी निवारण र वृद्धिका लागि एउटा अवसरका रुपमा उपयोग गर्न पनि सबै इच्छुक साझेदार मुलुकहरुलाई आह्वान गर्नुभयो ।

    सन् २०३० सम्ममा बीआरआई परियोजनाले करिब ७६ लाख मानिसलाई चरम गरिबीबाट मुक्त गर्ने तथा तीन करोड २० लाख मानिसलाई मध्यम किसिमको गरिबीबाट माथि उकास्ने छ, विश्व बैंकको प्रतिवेदन उद्धृत गर्दै राष्ट्रपति सी ले बताउनुभयो ।

    उहाँले भन्नुभयो, “हामी खुलापन र समावेशी सिद्धान्तलाई अँगाल्नेछौं, बीआरआईलाई गरिबी निवारण र आर्थिक वृद्धिका निम्ति इच्छुक मुलुकसँग मिलेर कार्य गर्न चीन प्रतिबद्ध छ ।”

    मंगलवार, बैशाख ७ २०७८०८:१३:०२

    डेमो खबर डेस्क

    सम्बन्धित समाचार