Logo

बिहिवार, मंसिर १८ २०७७Dec 03 2020

images
कोरोना भाइरसको प्रकोप

नेपालमा कोरोना : "पछिल्लो २४ घण्टामा थप १६७४ मा संक्रमण पुष्टि"

नेपालमा कोरोना : "पछिल्लो २४ घण्टामा थप १६७४ मा संक्रमण पुष्टि"

शनिवार, मंसिर ६ २०७७

  • 401
    SHARES

  • नेपालमा कोरोना   :  "पछिल्लो २४ घण्टामा थप १६७४ मा  संक्रमण पुष्टि"

     

    काठमाडौं,  मंसिर । पछिल्लो २४ घण्टामा थप १६७४ मा कोरोना भाइरस (कोभिड-१९) को संक्रमण पुष्टि भएको छ । देशभरका प्रयोगशालामा ८ हजार १४४ नमुना परीक्षण गर्दा ६६१ महिला र १०१३ पुरुषमा संक्रमण पुष्टि भएको हो ।

    यससँगै कुल संक्रमितको संख्या २ लाख १८ हजार ६३९ पुगेको छ । उनीहरुमध्ये १ लाख ९३ हजार ३२५  संक्रमणमुक्त भएका छन् भने १३०५ को मृत्यु भएको स्वास्थ्य तथा जनसंख्या मन्त्रालयले जनाएको छ ।

    हाल देशभर २४ हजार ९ संक्रिय संक्रमित छन् । उनीहरुमध्ये १७ हजार २०६  होम आइसोलेसनमा छन् भने ३३६ को आईसीयू र ४७ को भेन्टिलेटरमा उपचार भइरहेको छ ।

    कहाँ कति थपिए संक्रमित ?

    मन्त्रालयका अनुसार, काठमाडौं उपत्यकामा ८९९ संक्रमित थपिएका छन्, उनीहरुमध्ये काठमाडौंका ६८५ , ललितपुरका १६५ र भक्तपुरका ४९  छन् ।

    कास्कीका ७५ जना, चितवनका ६१, झापा र रुपन्देहीका ५७/५७ जना, काभ्रेका ५६, तनहुँका ४४, कैलालीका ४०, बाँकेका ३९, कपिलवस्तु र नवलपरासीका ३३/३३ जना, नवलपुरका २८, मकवानपुरका २५, पाल्पाका १९, धादिङका १८, बर्दियाका १७, धनुषाका ११, दाङका १०, गोरखाका ९ र नुवाकोटका ८ जनामा कोरोना संक्रमण पुष्टि भएको छ ।

    यस्तै धनकुटा, सिराहा, सिन्धुपाल्चोक, बाग्लुङ, स्याङ्जा र रोल्पाका ७/७ जना, पर्वत, डडेलधुरा र बझाङका ६/६ जना, सुनसरी, बारा र लमजुङका ५/५ जना, इलाम, सर्लाही, रामेछाप, अर्घाखाँची, गुल्मी, दैलेख र सल्यानका ४/४ जना,महोत्तरी, दोलखा, म्याग्दी, प्युठान, अछाम र कञ्चनपुरका ३/३ जना, उदयपुर, सप्तरी र सिन्धुलीका २/२ जना तथा खोटाङ, भोजपुर, सोलुखुम्बु, रुकुम पूर्व, रुकुम पश्चिम, सुर्खेत, बाजुरा र बैतडीका १/१ जनामा पनि संक्रमण देखिएको मन्त्रालयले जनाएको छ ।

    शनिवार, मंसिर ६ २०७७०४:४१:४२

    डेमो खबर

    सम्बन्धित समाचार