Logo

शनिवार, श्रावण ३१ २०७७Aug 15 2020

images
images

कविता  : झुपडीका आवश्यकताहरु

कविता  : झुपडीका आवश्यकताहरु

  • शुक्रवार, माघ १७ २०७६


  • कविता  : झुपडीका आवश्यकताहरु

    कविता  : झुपडीका आवश्यकताहरु 

    मेरो सानो छानु कुहिएर
    झरी पर्दा चुहिने गर्छ
    त्यसैले तिमी सुदारबादी भै हेर्न चाहान्छौ भने
    मलाई एक मुठ्ठा खर चाहिएको छ ।

    मेरो बलियो आधार मानिएको धुरिखाँबो
    कोत्रियर भाँचिनै लागेको छ ,
    त्यसैले तिमी यहाँ नयाँ निर्माण फेर्न चाहान्छौ भने
    मलाई एउटा अर्को खाँबो आधार चाहिएको छ ।

    सायद तिमिले देखेकै हुनुपर्छ
    अस्ति राती पड्किएका
    बमका चोइटाहरु उछिट्टियर
    मेरा भित्ताहरु छियाँ छियाँ पारेको छ ।
    तिनै छियाँ छियाँ भएका प्वालहरुबाट
    मध्यरातको चन्द्रमाले पनि मेरो गोप्पेता निहाल्ने गर्छ ,
    त्यसैले तिमी दिन सक्छौ भने
    मलाइ एउटा लाज छोप्ने दिवार चाहियको छ ।

    सायद तिमिलाइ थाहै होला
    बिकास निर्माण र परिबर्तनका
    उन्नतिसिल बाटाहरु बाट बन्चित भएदेखी
    भत्किएको निन्याँउरो घरबार भित्र म आफै निर्दो र कम्जोर छु
    , त्यसैले मलाई अशान्ती माथिको कोलाहल हैन
    यदि दिन सक्छौ भने ,
    अमन चयन र बिकासको बाटोमा
    थोरै शान्ती चाहिएको छ ।

    म सधै आधारहिन भएर हुरि बतास असिना पानी सङ्ग रिज्दै भिज्दै ,
    दुख पीडा अनि संघर्षको बाटोमा
    थकित भएको प्राण हुँ ।
    त्यसैले मलाई थिचो मिचो र लोभ लालचको कोलाहल हैन ,
    यदि दिनै सक्छौ भने मलाई
    भय रहित चौतारिको थोरै बिश्रान्ती चाहिएको छ ।

    म सधैं अनपढ र अशिक्षित भई बाचेको छु ,
    त्यसैले तिमी यहाँ
    यो समाज सक्षम बनाउन चाहान्छौ भने
    मलाइ शिक्षाको उज्यालो चाहिएको छ ।

    यति भए मेरा अहिलेका आवश्यकताहरु पूरा हुनेछन
    तब पो म र मेरा कदम हरु
    देश बिकासको बाटोमा जुरमुराउने छन ।।

    शुक्रवार, माघ १७ २०७६०७:१७:२०
    सम्बन्धित समाचार