images
Logo

बिहिवार, मंसिर २३ २०७८Dec 09 2021

images
राष्ट्रिय जनगणना - २०७८ आजदेखि

प्रधानमन्त्री देउवाको आग्रह :  "गणकलाई सही विवरण उपलब्ध गराई सहयोग गर्नुस" 

प्रधानमन्त्री देउवाको आग्रह :  "गणकलाई सही विवरण उपलब्ध गराई सहयोग गर्नुस" 

बिहिवार, कार्तिक २५ २०७८

  • 901
    SHARES

  • प्रधानमन्त्री देउवाको आग्रह :  "गणकलाई सही विवरण उपलब्ध गराई सहयोग गर्नुस" 

     

    काठमाडौँ,  कात्तिक ।  प्रधानमन्त्री शेरबहादुर देउवाले बिहीबारदेखि सुरु हुने राष्ट्रिय जनगणना, २०७८ मा गणकलाई सही विवरण उपलब्ध गराएर राष्ट्रको नीति निर्माणका लागि अपरिहार्य सूचना सङ्कलन गर्ने कार्यमा महत्वपूर्ण भूमिका निर्वाह गर्न सम्पूर्ण देशवासीलाई आग्रह गरेका छन । 

    राष्ट्रिय जनगणनाका अवसरमा उनले देशवासीका नाममा सन्देश जारी गर्दै जनगणनाले व्यक्तिको गणना मात्र नगरी देश विकासको समग्र मार्गचित्र पनि तय गर्ने उल्लेख गरेका छन । 
    देश विकासका लागि उपयुक्त नीति निर्माण गर्न आवश्यक सूचनाका आधार स्तम्भका रुपमा रहेको राष्ट्रिय जनगणना अन्तर्गत यही कात्तिक २५ देखि मङ्सिर ९ गतेसम्म प्रत्येक घरघरमा जनगणना गर्नका लागि गणक आउँदै छन । 
    प्रधानमन्त्री देउवाले यस जनगणनामा पहिलो पटक सामुदायिक प्रश्नावलीमार्फत वडा तहसम्म पुगी देशभरका सबै व्यक्तिको र विदेशमा रहनुभएका नेपालीको समेत जनसाङ्ख्यिक, आर्थिक, सामाजिक लगायत परिवारमा उपलब्ध सेवा सुविधासम्बन्धी विवरण सङ्कलन हुने उल्लेख गरेका छन । 
    यसबाट प्राप्त हुने तथ्याङ्क केन्द्रदेखि स्थानीय तहसम्मको नीति, योजना तथा कार्यक्रम तर्जुमा गर्न उपयोगी हुनेछन् । “विगतमा हामी कुन अवस्थामा थियौँ, अहिले कुन अवस्थामा छौँ र भोलिको उज्ज्वल भविष्य निर्माणका लागि के गर्नुपर्दछ भन्ने कुरा थाहा पाउनका लागि पनि जनगणना अपरिहार्य हुन्छ”, उनले सन्देशमा भनेका छन ।  
    प्रधानमन्त्री देउवाले जनताले दिएका सम्पूर्ण व्यक्तिगत विवरण तथ्याङ्क ऐन, २०१५ बमोजिम गोप्य रहने भएकाले आआफ्नो घरमा आउने गणकलाई सही विवरण उपलब्ध गराई दिनुहुन सम्पूर्ण देशवासीलाई अनुरोध  गरे । 

    बिहिवार, कार्तिक २५ २०७८०९:१३:५५

    डेमो खबर

    सम्बन्धित समाचार