images
Logo

बिहिवार, मंसिर २३ २०७८Dec 09 2021

images

आईसीसी टी-२० विश्वकप क्रिकेट : सुपर १२ चरणको अन्तिम तीनमध्ये दुई खेल आज हुँदै

आईसीसी टी-२० विश्वकप क्रिकेट : सुपर १२ चरणको अन्तिम तीनमध्ये दुई खेल आज हुँदै

आइतवार, कार्तिक २१ २०७८

  • 893
    SHARES

  • आईसीसी टी-२० विश्वकप क्रिकेट :  सुपर १२ चरणको अन्तिम तीनमध्ये दुई खेल आज हुँदै

    काठमाडौं, कात्तिक । युनाइटेड अरब इमिरेट्स (यूएई)मा भइरहेको आईसीसी टी-२० विश्वकप क्रिकेटअन्तर्गत सुपर १२ चरणको अन्तिम तीनमध्ये दुई खेल आज हुँदैछ । जसबाट सेमिफाइनल पुग्ने अन्तिम एक टोलीको टुङ्गो पनि आजै लाग्नेछ । सुपर १२ को ग्रुप २ मा आज भारत र नामिबिया तथा न्युजिल्याण्ड र अफगानिस्तानबीच खेल हुँदैछ ।

    यस समूहबाट लगातार चार खेल जित्दै पाकिस्तानले सेमिफाइनलमा स्थान पक्का गरिसकेको छ । पाकिस्तानले सोमबार स्कटल्याण्डसँग अन्तिम खेल खेल्नेछ । त्यसअघि आज हुने दुई खेल प्रतिक्षित बनेको छ । दिउँसो हुने पहिलो खेलमा न्युजिल्याण्ड र अफगानिस्तान भिड्दैछन् ।

    यस खेल न्युजिल्याण्डले जितेमा सिधैं सेमिफाइनलमा स्थान बनाउनेछ भने भारत अन्तिम खेलअघि नै बाहिरिनेछ । यदि अफगानिस्तानले न्युजिल्याण्डलाई हराएमा भारतको सम्भावना जिवित रहनेछ । त्यस्तो अवस्थामा भारतले नामिबियालाई फराकिलो अन्तरले हराउनुपर्नेछ ।

    सुरुआती दुई खेलमा पाकिस्तान र न्युजिल्याण्डसँग पराजित भएको भारतले अफगानिस्तान र स्कटल्याण्डलाई हराएको थियो । न्युजिल्याण्ड चार खेलबाट ६ अंकसहित समूह दुईको दोस्रो स्थानमा छ । चा/चार अंक रहेका भारत र अफगानिस्तान क्रमश: तेस्रो र चौथो स्थानमा छन् ।

    दुई अंक रहेको नामिबिया र अंकविहीन स्कटल्याण्ड भने बाहिरिसकेको छ । समूह एकबाट इंग्ल्याण्ड र अष्ट्रेलिया क्रमश : समूह विजेता र उपविजेता बन्दै सेमिफमाइनल पुगिसकेका छन् । सेमिफाइनल खेल नोभेम्बर १० र ११ मा हुनेछ भने फाइनल खेल नोभेम्बर १४ मा हुनेछ ।

    आइतवार, कार्तिक २१ २०७८१०:१७:३१

    डेमो खबर डेस्क

    सम्बन्धित समाचार