आइतवार, कार्तिक २३ गते २०८३
आइतवार, कार्तिक २३ गते २०८३
बिहिवार , बैशाख २३, २०७८
काठमाडौँ , बैशाख । तिलोत्तमा, वैशाख २३ । कोरोना संक्रमितको चाप बढेसँगै बुटवलस्थित कोरोना विशेष अस्पतालमा बिरामीहरूलाई अक्सिजन पुर्याउनै मुस्किल हुन थालेको छ ।
अब केही घण्टाका लागि मात्र अक्सिजन मौज्दात रहेको र तत्काल थप अक्सिजन आइनपुगे उपचार प्रभावित हुने अस्पतालले जनाएको छ । कोरोना विशेष अस्पताल सञ्चालन गरिरहेको लुम्बिनी प्रादेशिक अस्पतालमा पहिले १ ५० सिलिन्डर लगिँदै आएकोमा अहिले माग बढेर ५ सय सिलिन्डर पुगेपछि सप्लार्यसले आपूर्ति गर्न नसकेको अस्पतालका प्रवक्ता डा. विष्णु गौतमले बताए । ‘बुधबार साँझ ६० वटा मात्रै सिलिन्डर झर्यो,’ उनले बिहीबार बिहान भने, ‘अहिले १० वटा मात्र बाँकी छ ।’
उक्त अक्सिजन १ देखि २ घण्टालाई मात्र पुग्ने उनले जनाए । अस्पतालले भेन्टिलेटर, आईसीयू, अक्सिजन बेड गरी ५४ र इमर्जेन्सी बेड तथा भुइँमासमेत गरी थप ५२ बिरामीलाई अक्सिजनको सहायताले उपचार गरिरहेको छ । अक्सिजन अभावबारे रुपन्दे
त्यस्तै, रूपन्देहीको भैरहवास्थित युनिभर्सल कलेज अफ मेडिकल साइन्सेज शिक्षण अस्पताल (यूसीएमएस)ले दैनिक ८ सय अक्सिजन सिलिन्डर आपूर्तिका लागि सहयोग गरिदिन अपिल गरेको छ ।
अस्पतालले तयारी अवस्थामा राखेको थप ६० बेडको एचडीयूसमेत अक्सिजन नभएकै कारण सञ्चालन गर्न असमर्थ भएको जनाउँदै सहयोगका लागि सरकार र सरोकारवालाहरूसमक्ष बुधबार विज्ञप्तिमार्फत आग्रह गरेको हो ।
सहज आपूर्ति हुन नसके सञ्चालनमा रहेका बेडसमेत कटौती गर्नुपर्ने अवस्था सिर्जना हुन सक्ने यूसीएमएसका जनसम्पर्क अधिकृत सुशील गुरुङले बताए ।
अस्पतालमा सामान्य अवस्थामा १२५ थान अक्सिजन सिलिन्डर खपत भइरहेको अवस्थामा अहिले कोरोनाका सय बेड रहेको र तिनमा जटिल किसिमका बिरामीका लागि थप अक्सिजन चाहिने उनको भनाइ छ ।
कान्तीपुर अनलाइन
