आइतवार, कार्तिक २३ गते २०८३
आइतवार, कार्तिक २३ गते २०८३
काठमाडौं उपत्यकामा आगामी रणनीति बनाउने
सोमवार , बैशाख १३, २०७८
काठमाडौ, वैशाख । कोरोना सङ्क्रमण बढ्दो अवस्थालाई मध्यनजर गरेर काठमाडौं उपत्यकाका तीनवटा जिल्ला प्रशासन कार्यालय प्रमुुख जिल्ला अधिकारी र सुरक्षा निकाय बीच अहिले छलफल चलिरहेको छ ।
बैठक अहिले काठमाडौं जिल्ला प्रशासनको कार्यालयमा चलिरहेको छ । हिजो जिल्ला प्रशासन कार्यालयबाट प्रदान गर्ने अत्यावश्यक बाहेकका सेवा एक साताका लागि बन्द गर्ने निर्णय गरे लगतै आज अर्को छलफलमा चलेको हो ।
देशका केही जिल्लामा निषेधाज्ञा जारी रहेको बेला काठमाडौं उपत्यकामा आगामी दिनमा के रणनीति बनाउने भनेरै छलफलमा जुटेको काठमाडौंका प्रमुख जिल्ला अधिकारी कालिप्रसाद पराजुलीले सञ्चारकमीर्लाइ जानकारी िदएका छन ।
निषेधाज्ञा लगाउने वा नलगाउने भन्ने विषयमा छिटटै निर्णयमा पुग्ने उनले बताए। यसको साथै कोरोना संक्रमण रोकथामको उपायका विषयमा गहन छलफलमा जुटेको उनले बताए ।
जिल्ला प्रशासन कार्यालयबाट प्रदान हुने अत्यावश्यक बाहेकका सेवा आजदेखि एक साताका लागि बन्द भइसकेका छन् । अत्यावश्यकमा शान्ति सुरक्षा संग सम्बन्धित निवेदन र मुद्दासंग सम्बन्धित कार्य सहित अन्य अत्यावश्यक सिफारिसका सेवा सुचारु हुने उनले जानकारी दिए ।
यसै गरि नयाँ नागरिकता, नागरिकता प्रतिलिपि र नाबालक परिचय पत्र , राहदानी विवरण तथा सिफारिश, हातहतियार दर्ता नवीकरण संस्था दर्ता तथा नवीकरण र पत्रपत्रिका दर्ता लगायतका सेवा आज बाट बन्द भएका छन् ।
