आइतवार, कार्तिक २३ गते २०८३
आइतवार, कार्तिक २३ गते २०८३
बैठक : 'खनाल र नेपाल समूह ११: 00 बजे, ओलीकाे संसदीय दल दिउँसो ३:00 बजे '
शुक्रवार , चैत्र १३, २०७७
काठमाडौं, चैत । देशमा कथीत रास्टबादी र िबकासबादी भनेर भुक्दा नथाक्ने सत्तारूढ नेपाल कम्युनिष्ट पार्टी (एमाले) यतीखेर दुई समूह आज छुट्टाछुट्टै बैठक बस्दैछन् ।
झलनाथ खनाल र माधवकुमार नेपाल समूहको केन्द्रीय समितिको बैठक बिहान ११ बजे कलंकीस्थित मेघा पार्टी प्यालेसमा बस्दै छ । उक्त समूहको आजको बैठकले पार्टी विधान अनुसार पार्टीका बैठक बोलाउन अध्यक्ष केपी शर्मा ओलीलाई अनुरोध गर्ने निर्णय गर्ने स्रोतले बताएको छ ।
बैठकमा समसामयिक विषयमा छलफल हुने जानकारी दिइएकाे छ। प्रधानमन्त्री तथा एमाले अध्यक्ष केपी शर्मा ओली पक्षले गएको फागुन २८ गते एकलौटी रुपमा निर्णय गरेको थिए ।
सोही निर्णय खारेज गर्नुपर्ने खनाल–नेपाल समूहको माग छ । तर, ओली उक्त निर्णय खारेज गर्ने पक्षमा छैनन् । उता, अध्यक्ष ओलीले आजै संसदीय दलको बैठक बोलाएका छन् ।
प्रधानमन्त्रीको सरकारी निवास बालुवाटारमा दिउँसो ३ बजे बस्ने बैठकमा चालु अधिवेशन कसरी प्रभावकारी बनाउने, सांसदहरुको विकास बजेट खर्चलगायत विषयमा छलफल हुने बताइएको छ ।
ओलीले बोलाएको बैठकमा आफूहरू सहभागी नहुने खनाल–नेपाल समूहले बताएको छ । एमालेभित्रको विवाद उत्कर्षमा पुग्दा ओलीले संसदीय दलको बैठक बोलाइरहेका छन् ।
ओलीले दलको विधान संशोधन गरेर अधिकारको केन्द्रीकरण गरिसकेका छन् । पार्टीका वरिष्ठ नेता झलनाथ खनाल र माधवकुमार नेपाल समूहमा लागेका समानुपातिक सांसदलाई कारबाहीको प्रक्रिया अघि बढाउन दलको बैठक आह्वान भएको उनीपक्षीय नेताहरू जिकिर गर्छन् ।
