आइतवार, कार्तिक २३ गते २०८३
आइतवार, कार्तिक २३ गते २०८३
बहुमतका लागी ९१ प्रतिनिधिसभा सदस्य र २४ राष्ट्रियसभा सदस्य
शनिवार , फाल्गुण २२, २०७७
काठमाडौं, फागुन । आज शनिबार नेकपा ओली समूहले संसदीय दलको बैठक बोलाएको छ । शुक्रबार नेकपा प्रचण्ड-माधव समूहले बोलाएको संसदीय दलको बैठक बसेकाे थीयाे ।
शुक्रबार बसेकाे नेकपा प्रचण्ड-माधव समूहकाे बैठकले अध्यक्ष पुष्पकमल दाहाल प्रचण्डलाई संसदीय दलको नेता चयन गर्यो । बैठकपछि दलका नेता प्रचण्डले आफूहरुको पक्षमा ११५ सांसद रहेको दावी गरेका छन । शुक्रबारको बैठकमा १०७ ले मात्र उपस्थितिमा हस्ताक्षर गरेकाे पाइएकाे छ ।
यद्यपि नेताहरु ९१ प्रतिनिधिसभा सदस्य र २४ राष्ट्रियसभा सदस्य आफूहरुको पक्षमा रहेको दावी गरेको छ । शुक्रबारको बैठकमा कृष्णबहादुर महरा, योगेश भट्टराईसहित ७ जना उपस्थित हुन नसकेको उनीहरु बताउँदै अाएका छन ।
प्रचण्ड-माधव समूहले दलको नेता चयन गरेको भोलिपल्ट शनिबार नेकपा ओली समूहले संसदीय दलको बैठक बोलाएको छ । यो समूहले कति सांसद जुटाउँछ भन्ने हेर्न बाँकी छ ।
बहुमतका लागि १११ आवश्यक नेकपाको प्रतिनिधिसभामा १७४ र राष्ट्रिय सभामा ५० गरी कुल २२४ सांसद हुन् । उनीहरुमध्ये प्रतिनिधिसभा सदस्य सानु शिवाको निधन भएको छ र उनको ठाउँमा कोही चयन भएको छैन ।
सभामुख अग्निप्रसाद सापकोटा र राष्ट्रियसभा अध्यक्ष गणेश तिमिल्सिनाले पनि मत दिन पाउँदैनन् । त्यसैले नेकपा संसदीय दलमा २२१ ले मतदान गर्न पाउँछन् र बहुमत पुर्याउन १११ सांसद चाहिन्छ ।
बामदेव गौतम कता ? नेकपा दुई समूहमा विभाजित हुँदा उपाध्यक्ष बामदेव गौतम कुनै पक्षतिर लागेका छैनन् । उनी राष्ट्रियसभा सदस्य छन् भने उनकी पत्नी तुलसा थापा प्रतिनिधिसभा सदस्य छिन् ।
गौतम दम्पति जस्तै प्रतिनिधिसभा सदस्य लालबाबु पण्डित पनि कुनै पक्षमा खुलेेका छैनन् । ‘म पार्टी एक हुनुपर्छ भन्नेमा छु’ उनले भने, ‘कुनै पक्षको संसदीय दल वा बैठकमा नजाने बताएका छन । संसदभित्र आफ्नो भूमिका निभाउँछु ।’ नेताहरुका अनुसार संसदीय दलमा मतविभाजन हुने अवस्था आए उनीहरुको मत महत्वपूर्ण हुन्छ ।
