आइतवार, कार्तिक २३ गते २०८३
आइतवार, कार्तिक २३ गते २०८३
सुन्दर देश बनाउने साथै समृद्धीको चाहना पूरा गर्ने
शुक्रवार , फाल्गुण २१, २०७७
काठमाडौं, फागुन । नेपाल कम्युनिस्ट पार्टीका महासचिब नेत्र विक्रम चन्द विप्लवले सरकार र आफ्नो समूहविच भएको तीन बुँदे सहमति इमान्दारिताका साथ पालना गर्ने प्रतिवद्धता व्यक्त गरेका छन् ।
सरकार र नेकपा विप्लव समूहविच भएको वार्ताका क्रममा भएको सहमतिपत्रमा हस्ताक्षर गर्ने समारोहमा सम्बोधन गर्दै उनले शहिदको सपना र आकाक्षा पूरा गर्न र जनताको समृद्धिको चाहना अब खुल्ला राजनीतिबाट पूरा गर्ने बताए ।
सहमति पत्र सफलतापूर्व तयार पार्न खटिएका सदस्यलाई धन्यवाद दिंदै उनले यो सहमति सरकार र पार्टीको मात्र होइन महान र सुन्दर देश बनाउने साथै समृद्धीको चाहना पूरा गर्ने भएको बताए ।
सुखानीका शहिद स्मरण गर्दै आजको दिन शहिदको सपना र आकाक्षा पूरा नभएको बताए । उनले भने, ‘कम्युनिस्ट आन्दोलन गर्नेले दुःख नभोगेको र मृत्युको मुखबाट फर्किएको कोही छैन् । जे सपना देखेर कम्युनिष्ट आन्दोलनमा लाग्यौं त्यो पूरा भएको छैन । सरकार हामीले एउटा जिम्मेवारी पुरा भएको महसुश भएको छ ।’
महासचिब विप्लवले समाजमा चारथरी मानिस भएको तर ती मानिसले गुनासो राख्ने तर जाग्न नसक्ने भएकाले तिनीहरुको प्रतिनिधित्व आफूले गर्ने जिकिर गरे । उनले नेपाल देशमाथि गिद्धेदृष्टि राख्नेविरुद्ध विद्रोह गर्ने भन्दै कम्युनिष्ट आन्दोलन एउटा शान्तिको दूत पनि हो भने ।
महासचिब विप्लवले भने, गीतमा भनेजस्तो जुन र घाम भेट नहुने भन्ने होइन । जुन र घामको पनि भेट हुँदोरहेछ । आज त्यही भो । देश हामी बनाउछौं । नेपाली समाजको रुपान्तर २००७ सालदेखि हुँदै आएको छ । त
र पुरा भएको छैन, त्यसलाई पूरा गर्छौं ।’ उनले अहिले पनि नेपाली जनता सुरक्षित नभएको उल्लेख गर्दै भने, ‘झुपडी, महल, शहर गाउँ जताततै छ सुरक्षाको अनुभूति छैन् तर हामी शान्ति चाहन्छौं ।’ उनले कम्युनिष्टहरु विश्वमा युद्ध अन्त्य गर्न चाहने बताउँदै नेपालमा विदेशीले हस्तक्षेप गर्यो भने शरीर माटोमा गाडिन्छ तर छाडिन्न भने ।
