आइतवार, कार्तिक २३ गते २०८३
आइतवार, कार्तिक २३ गते २०८३
बिहिवार , फाल्गुण २०, २०७७
काठमाडौं, फागुन । प्रमुख विपक्षी नेपाली कांग्रेसले सरकार र विप्लव समूहबीच भएको वार्ता र सहमतिलाई सतर्कतापूर्वक हेरिरहेको बताएको छ ।
यद्यपि राजनीतिक विवादको शान्तिपूर्ण सम्वादबाट समाधान गर्न सकिन्छ भन्नेमा विश्वास राखेको प्रवक्ता विश्वप्रकाश शर्माले जानकारी दिए ।
सरकार र विप्लव समूहले वार्ता टोली बनाएपछि कांग्रेसले वक्तव्य जारी गर्दै सकारात्मक भनेको थियो । बिहीबार दुबै पक्षबीच तीनबुँदे सहमति भएको छ, जसलाई भोलि प्रधानमन्त्री केपी शर्मा ओली र विप्लव समूहका महासचिव नेत्रविक्रम चन्द विप्लवको उपस्थितिमा औपचारिकता दिने तयारी छ ।
पार्टी पदाधिकारी तथा पूर्व पदाधिकारीहरुको बैठकपछि सञ्चारकर्मीसँग कुरा गर्दै प्रवक्ता शर्माले सहमतिका विषयबस्तु बाहिर आइनसकेको बताए ।
साथै वार्ता र सहमतिका क्रममा सरकारले प्रतिपक्षी र अरु दलहरुलाई पनि विश्वासमा नलिएको भन्दै उनले भने, ‘त्यसैले यसलाई सतर्कतापूर्वक हेरिरहेको छौं ।’
