आइतवार, कार्तिक २३ गते २०८३
आइतवार, कार्तिक २३ गते २०८३
बैठकमा सभापति देउवाले भने : 'नेकपाको दुबै पक्षबाट सहकार्यको प्रस्ताव आएको छ'
बिहिवार , फाल्गुण १३, २०७७
काठमाडौं, फागुन । नेपाली कांग्रेसले बर्तमान राजनीतिक परिस्थितिबारे बिश्लेषण गर्दै नेपाल कम्युनिस्ट पार्टीभित्रको विवाद नसल्टिएसम्म कुनै पक्षसँग सहकार्य नगर्ने निष्कर्षमा पुगेको छ ।
देशमा बिद्यमान राजनीतिक अवस्थाबारे छलफल गर्न बिहीबार पार्टी सभापति शेरबहादुर देउवा निवास बुढानीलकण्ठमा बसेको पदाधिकारी र पूर्व पदाधिकारीको बैठकले सो निष्कर्ष निकालेको हो ।
नेपाली काँग्रेसले संसद पुनर्स्थापना भएपछि उत्पन्न राजनीतिक परिस्थितिबारे समीक्षा पनि गरेको थियो । बैठकमा सभापति देउवाले नेकपाको दुबै पक्षबाट सहकार्यको प्रस्ताव आएको भन्दै राय मागेका थिए ।
‘नेकपाको विवाद अन्तिम टुंगो नलागेसम्म 'नेपाली काँग्रेसलाई जनताले पनि प्रतिपक्षमा बस्ने म्याण्डेट दिएको छ, सरकारमा जान हतार गर्न हुँदैन भन्ने निर्णय भएको छ ।'
नेकपा विभाजन भएर सरकार बन्नै नसक्ने अवस्था आए मात्र यसबारे पार्टीमा छलफल गर्नु उपयुक्त हुने नेताले राय दिएको जनाइएको छ । ‘त्यस्तो बेला हामी आफैंले सरकारको नेतृत्व लिने, सरकारमा जाने वा बाहिरै बसेर समर्थन गर्ने विकल्प निकालिने बताएका छन ।
नेपाल कम्युनिष्ट पार्टी बैधानिक रुपमा बिभाजन भइनसकेको र संसदीय दल पनि बिभाजन नभएको अवस्थामा काँग्रेसले कसैको लहडमा ल्याइउका प्रस्तावको पछि लाग्न नहुने छलफलमा उठेको जनाइएको छ ।
