आइतवार, कार्तिक २३ गते २०८३
आइतवार, कार्तिक २३ गते २०८३
बिहिवार , पौष ९, २०७७
काठमाडौं, पुस । संसद् विघटन गर्ने सरकारको घोषणाविरुद्ध आन्दोलनका लागि नेतृत्वलाई दबाब दिन कांग्रेस वरिष्ठ नेता रामचन्द्र पौडेल पक्षको छुट्टै भेला सुरु भएको छ।
अनामनगरस्थित वरिष्ठ नेता पौडेलको सम्पर्क कार्यालयमा सभापति शेरबहादुर देउवालाई आन्दोलनमा जान दबाब दिनका लागि भेला डाकिएको हो।
संसद् विघटन र मध्यावधि निर्वाचन मिति घोषणा गर्ने सरकारी घोषणापछि आगामी रणनीति बनाउन कांग्रेस केन्द्रीय समिति बैठक मंगलबारदेखि जारी छ।
बैठकमा देउवा पक्षका नेताहरु आन्दोलनमा नगएर चुनावको तयारी गर्नुपर्ने पक्षमा देखिएका छन्। पौडेल पक्षका नेताहरु भने सरकारविरुद्ध आन्दोलन गर्नुपर्ने पक्षमा छन्।
यही विषयमा बुधबारको बैठकमा देउवा र पौडेल पक्षका नेताहरुबीच घम्साघम्सी समेत परेको थियो। पौडेल पक्षको भेलाले देउवालाई आन्दोलनमा जाने निर्णय गराउन दबाब दिने विषयमा छलफल भइरहेको एक नेताले जानकारी दिए।
भेलामा पौडेल, महामन्त्री शशांक कोइराला, नेताहरु प्रकाशमान सिंह, डा. शेखर कोइराला, गगन थापा, बलबहादुर केसी लगायतका नेताहरु छन्।
