आइतवार, कार्तिक २३ गते २०८३
आइतवार, कार्तिक २३ गते २०८३
मंगलवार , मंसिर ३०, २०७७
काठमाडौं, मंसिर । प्रधानमन्त्री अाेलीले संवैधानिक परिषद्सम्बन्धी आज ल्याएकाे अध्यादेश तुरुन्त खारेज गर्न सत्तारुढ दल नेपाल कम्युनिस्ट पार्टी (नेकपा) कै कार्यकारी अध्यक्ष पुष्पकमल दाहाल प्रचण्डले माग गरेका छन् । बहुमत सदस्यकै उपस्थितिमा परिषद् बैठक बस्न सक्नेगरी राष्ट्रपति विद्यादेवी भण्डारीले मंगलबार अध्यादेश जारी गरेकी थिइन् ।
तर सत्तारुढ नेकपाका अध्यक्ष प्रचण्डले स्थायी कमिटीको बैठक चलिरहेका बेला पार्टीमा परामर्श नगरी अध्यादेश ल्याएको भन्दै विरोध गरेका छन् ।
‘सबै पार्टीले संसदको अधिवेशन बोलाउन माग गरिरहेका बेला अध्यादेश ल्याउनु लोकतन्त्रको उपहास हो,’ प्रचण्डले सञ्चारकमीर्सँग भने, ‘यो बदनियतपूर्ण छ, तरुन्त खारेज हुनुपर्छ ।’
सरकारले ल्याएको अध्यादेश तुरून्त खारेज गर्न माग गर्दै प्रचण्डले भने, ‘संसदको अधिवेशन बोलाउनुपर्ने बेलामा, देशका सबै राजनीतिक दलले तुरुन्त संसद अधिवेशन बोलाउन पनि भनेको सन्दर्भमा पार्टीभित्र गम्भीर छलफल–बहस भइराखेको स्थितिमा पार्टीको बैठक र पार्टीलाई जानकारी पनि नदिइकन कार्यदलको मर्म र भावनालाई पनि बेवास्ता गरेर संविधानको मर्म र स्पिरिटलाई लत्याउँदै, लोकतन्त्रको उपहास गर्दै आज अध्यादेश जारी गर्नु बदनीयपूर्ण छ ।’
