आइतवार, कार्तिक २३ गते २०८३
आइतवार, कार्तिक २३ गते २०८३
बुधवार , कार्तिक २६, २०७७
संखुवासभा, कात्तिक । सत्तारुढ नेपाल कम्युनिष्ट पार्टी (नेकपा) मा मतभेद उत्पन्न भएका बेला अध्यक्ष एवं प्रधानमन्त्री केपी शर्मा ओलीले भने अाफूले दुवै पदबाट नहट्ने बताएका छन् ।
संखुवासभा पुगेका ओलीले पत्रकारहरुसँग कुरा गर्दै पार्टी अध्यक्ष र प्रधानमन्त्रीबाट नहट्ने बताएका हुन् । पाँच वर्षका लागि जनमत प्राप्त प्रधानमन्त्रीले बीचैमा राजीनामा दिन नमिल्ने उनको तर्क छ । ‘जनताले पाँच वर्षका लागि जनमत दिएको छ, अब बीचैमा छोड्ने कुरा हुन्न । हल्लाको पछि नलाग्नुहोस्’, उनले भने ।
ओलीले थपे, आफू महाधिवेशनबाट निर्वाचित भएकाे हाे, अध्यक्ष छोड्न पनि प्रक्रिया रहेकाे बताए । ‘कसैको चाहना होला, तर चाहान्छ भन्दैमा छोड्न मिल्दैनर पदैर्न’, उनले थपे । पार्टीभित्र समस्या देखिएकाे छ, तापनि विभाजनसम्म भने नपुग्ने प्रधानमन्त्री एवं अध्यक्ष ओलीले जनाए ।
संखुवासभाको किमाथांका पुगेका प्रधानमन्त्री ओली सशस्त्र प्रहरीको बीओपीको निरीक्षण, कोशी करिडोर र अरुण तेस्रो जलविद्युत आयोजनाबारे जानकारी लिएर बुधबार नै काठमाडौं फर्किइसकेका छन् । उनीसँगै मुख्यमन्त्री शेरधन राई, राष्ट्रियसभा सदस्य परशुराम मेघी गुरुङलगायत नेताहरु पनि किमाथांका पुगेका थिए ।
