आइतवार, कार्तिक २३ गते २०८३
आइतवार, कार्तिक २३ गते २०८३
सचिवालय बैठक : " शनिबार साँझ ४ बजे "
शुक्रवार , आश्विन १६, २०७७
काठमाडौं, असोज । नेपाल कम्युनिष्ट पार्टी (नेकपा) का दुई अध्यक्षबीच शुक्रबार बिहान छलफल भएको छ । पछिल्लो राजनीतिक नियुक्तीका कारण दुई अध्यक्षबीच तिक्तता बढेको टिप्पणी भइरहँदा बिहान बैठक भएको हो ।
प्रधानमन्त्रीको सरकारी निवास बालुवाटारमा प्रधानमन्त्री तथा पार्टी अध्यक्ष केपी शर्मा अोली र अर्का अध्यक्ष पुष्पकमल दाहाल ‘प्रचण्ड’बीच छलफल भएको प्रधानमन्त्रीका प्रेस सल्लाहकार सूर्य थापाले जानकारी दिएका छन । दुई अध्यक्षबीच पुरानै विषयमा छलफल भएको उनले बताए ।
मन्त्रिपरिषद पुनर्गठनका विषयमा सहमित गर्न सचिवालय बैठकले जिम्मेवारी तोके पनि दुई अध्यक्षबीच नियमितजसो छलफल भइरहेको छ । गत विहिबार, शुक्रबार, आइतबार र सोमबार नियमित छलफल भएको थियो । आजको छलफलमा केही सहमति भएको हुनसक्ने बुझाई बालुवाटार स्रोतको छ ।
आज बिहान भएको छलफलमा पार्टी संगठनका बाँकी एकता प्रक्रिया टुङ्गो लगाउने विषयमा दुई अध्यक्षबीच छलफल भएको बुझिएको छ ।
दुई अध्यक्षसहित महासचिव विष्णुप्रसाद पौडेललाई असोज मसान्तभित्र पार्टी एकताका बाँकी काम सम्पन्न गर्ने ठोस आधार तयार गर्न पार्टीले जिम्मेवारी तोकेको छ । आज बसेको दुई अध्यक्षबीचको बैठकले भोलि शनिबार साँझ ४ बजे सचिवालय बैठक बोलाउने निर्णय गरेको छ ।
अध्यक्ष प्रचण्डका प्रेस सल्लाहकार विष्णु सापकोटाका अनुसार भोलि साँझ ४ बजे बालुवाटारमा सचिवालयको बैठक बस्नेछ । दुई अध्यक्षबीच सहमतिको मोटामोटी खाका तयार भएपछि सचिवालयको बैठक बोलाउने यसअघि सहमति बनेको थियो ।
