आइतवार, कार्तिक २३ गते २०८३
आइतवार, कार्तिक २३ गते २०८३
नेपालले भवनको सत्य तथ्य जाँच गर्नसक्ने
बुधवार , आश्विन ७, २०७७
काठमाडौं, असाेज । नेपालसँग जोडिएको कुनै पनि ठाउँमा भौगोलिक विवाद नरहेको चीनले दाबी गरेको छ । उसले नेपाली भूमिमा चीनले बनाएको भनिएका भवनको सत्य तथ्य जाँच गर्न नेपालले सक्ने जनाएको छ ।
हुम्लाको लाप्चा बगरमा चीनले नेपाली भूमि अतिक्रमण गरेर भवन बनाएको समाचार सार्वजनिक भएपछी चीनको यस्ताे धारणा आएको हो ।
चिनियाँ दूतावासले प्रेस नोट जारी गर्दै , ‘चीन र नेपालबीच कुनै पनि क्षेत्रीय विवाद छैन । दुवै पक्षले सधैं सीमाबारे निकट सम्बन्ध बनाएका छन् ’ भनेको छ ।
नेपाल–चीन निकटका छिमेकी हुन् भन्दै काठमाडौंस्थित चिनियाँ दूतावासले नेपालको सम्प्रभुता र क्षेत्रीय अखण्डताको सम्मान गरेको जनाएको छ ।
‘चीन र नेपाल मित्रवत् छिमेकी हुन्, नेपालको सार्वभौमसत्ता र भौगोलिक अखण्डताको चीनले सधैँ सम्मान गरेको छ,’ नेपालस्थित चिनियाँ दूताबासका लुआन सिउतानले जारी गरेको नोटमा भनिएको छ, ‘सञ्चार माध्यमले उल्लेख गरेका भवन नेपाल-चीन सीमाको चिनियाँ खण्डमा रहेको कुरा प्रमाणित भएको छ ।
लुआनले अगाडि भनेका छन्, ‘नेपाली पक्षले पुनः परीक्षण गर्नसक्छ । नेपाल र चीनबीच कुनै भौगोलिक विवाद छैन।'
