बिहिवार, कार्तिक २० गते २०८३
बिहिवार, कार्तिक २० गते २०८३
आइतवार , भाद्र २८, २०७७
पोखरा, भदाै । गण्डकी प्रदेश अन्तगर्तका विभीन्न जील्लामा थप ३२ मा कोरोना संक्रमण पुष्टि भएको जनाइएकाे छ । स्वास्थ्य निर्देशनालय पोखराका अनुसार, लम्जुङमा १७, पूर्वी नवलपरासीमा ८, स्याङ्जामा ४, कास्कीमा २ र तनहुँमा एक मा कोरोना संक्रमण पुष्टि भएको हो ।
यससँगै, गण्डकी प्रदेशमा कोरोना संक्रमण पुष्टि हुनेको संख्या २ हजार ९३५ पुगेको गण्डकी स्वास्थ्य निर्देशनालयले जनाएको छ ।
निर्देशनालयका अनुसार, आइतबार बिहान ७ः५० बजे सार्वजनिक गरेको विवरण अनुसार लम्जुङको सुन्दरबजार–९ का १६ जना र बेंसिशहर–२ का एक जनामा कोरोना संक्रमण देखिएको छ ।
यसैगरी, पूर्वी नवलपरासीको गैंडाकोटमा ६ तथा मध्यविन्दु र हुप्सेकोटका १–१ मा कोरोना संक्रमण पुष्टि भएको छ । स्याङ्जाको पुतलीबजारका ३ र बिरुवाका १ मा पनि संक्रमण पुष्टि भएको छ ।
कास्कीको पोखरा महानगरपालिका वडा नं. १६ की २० वर्षीया महिला र वडा नं. ९ की ७० वर्षीय पुरुषमा कोरोना संक्रमण देखिएको छ । यसैगरी, तनहुँको भानु नगरपालिका ४ का ५० वर्षीय पुरुष पनि संक्रमित भएका स्वास्थ्य निर्देशनालय पोखराले जनाएको छ ।
