शनिवार, कार्तिक २२ गते २०८३
शनिवार, कार्तिक २२ गते २०८३
शुक्रवार , मंसिर १०, २०७८
चितवन, मंसिर । नेकपा एमालेको १० औं महाधिवेशनको उद्घाटन कार्यक्रममा सम्बोधन गर्न चितवन पुगेका प्रधानमन्त्री शेरबहादुर देउवाले देश र जनतासँग जोडिएका मूल मुद्दामा सबै राजनीतिक दलबीच संवाद र सहकार्य आवश्यक पर्ने बताएका छन् ।
शुक्रबार नेकपा एमाले महाधिवेशनको उद्घाटन कार्यक्रममा सम्बोधन गर्दै उनले भने, दलबीचको विमतिलाई संविधानले निर्धारण गरेको विधिबाट टुंगो लगाउनुपर्ने पनि बताए ।
प्रधानमन्त्री देउवाले थपे, ‘देश र जनतासँग जोडिएका मूल मुद्दामा दलबीच संवाद र सहकार्य आवश्यक छ’ उनले भने, ‘हामीबीच रहेका नीतिगत विमतिलाई संविधानले निर्धारण गरेको विधिमार्फत टुंगोa लगाउने र त्यसलाई सबैले स्वीकार गर्नुपर्दछ ।’
प्रधानमन्त्री देउवाले भने, मुलुकमा देखिएका सबै समस्याको संवाद, छलफल र संविधानमार्फत समाधान निकाल्ने आफ्नो चाहना छ ।
नयाँ संविधान सबै दल मिलेर ल्याएको भन्दै प्रधानमन्त्री देउवाले यसलाई बलियो बनाउने जिम्मेवारी पनि सबै राजनीतिक दलको भएको बताए । संविधान कार्यान्वयन र लोकतान्त्रिक मूल्य मान्यतालाई संस्थागत गर्न एमालेले जिम्मेदार भएर भूमिका खेल्नुपर्ने पनि उनले बताए ।
प्रधानमन्त्री देउवाको भनाई छ, कानुनी शासन र व्यक्तिगत स्वतन्त्रता सुनिश्चित गर्दै देशलाई समृद्ध बनाउने सबै दलको लक्ष्य हुनुपर्छ ।
