शनिवार, कार्तिक २२ गते २०८३
शनिवार, कार्तिक २२ गते २०८३
आइतवार , मंसिर ५, २०७८
जुम्ला, मङ्सिर । नेपाली काँग्रेस जुम्लामा निर्वाचनका लागि दुई प्यानल घोषणा गरिएका छन् । सहमतिको लामो प्रयास गरेको काँग्रेसले सहमति हुन नसकेपछि सभापति तथा प्रधानमन्त्री शेरबहादुर देउवा पक्ष र वरिष्ठ नेता रामचन्द्र पौडेल पक्षको दुई प्यानल घोषणा भएका छन् ।
वरिष्ठ नेता रामचन्द्र पौडेलको प्यानलबाट सभापतिमा दिपबहादुर शाही, उपसभापतिमा दिपक शाही र कार्मा बुढा, सचिवमा लक्ष्मणबहादुर शाही र अर्जुनसिंह कठायत, सहसचिवमा नन्दप्रसाद चौलागाई र घनेन्द्र वोहोरा सहितको टिम घोषणा गरिएको छ ।
यसैगरी देउवा प्यानलबाट सभापतिका उम्मेदवार कर्णबहादुर शाही, उपसभापतिमा नन्दराम बुढा र मक्कर हमाल, सचिवमा दानबहादुर बुढा र घनश्याम थापा, सहसचिवमा नवराज देवकोटा र धनबहादुर रावतको प्यानल घोषणा भएको छ ।
सभापति दिपबहादुर शाहीका अनुसार मङ्सिर ४ गते मनोनयन दर्ता, ५ गते अन्तिम नामावली प्रकाशन र ६ गते निर्वाचन हुनेछ । कांग्रेसको सातौ जिल्ला अधिवेशनमा सहमति हुन नसकेपछि निर्वाचनमा जाने पक्का भएको छ । जुम्लामा जिल्ला कार्यसमिति ३७ जना र महाधिवेशन प्रतिनिधि २७ जना छनौट हुने भएका काँग्रेस सभापति दिपबहादुर शाहीले जानकारी दिए ।
्
