शनिवार, कार्तिक २२ गते २०८३
शनिवार, कार्तिक २२ गते २०८३
३३० प्रदेश सभा निर्वाचन क्षेत्रमा कांग्रेसको नयाँ कार्यसमिति चयन हुने
शुक्रवार , मंसिर ३, २०७८
काठमाडौं, मंसिर । नेपाली कांग्रेसको १४औं महाधिवेन अन्तर्गत शुक्रबादेखि प्रदेश सभा क्षेत्रीय अधिवेशन सुरु हुँदैछ । केन्द्रीय निर्वाचन समिति सदस्य एकराज पोखरेलले पालिका तहका अधिवेशन भएका जिल्लामा आज प्रदेश सभा क्षेत्रीय अधिवेशन हुन लागेको जानकरी दिएका छन ।
उनले भने, समितिको पछिल्लो संशोधित कार्यतालिका अनुसार मंसिर ३ गते प्रदेश सभा क्षेत्रीय अधिवेशन हुनेछ । अधिकांश जिल्लामा आज अधिवेशन हुँदैछ । आज अधिवेशन हुन नसकेका जिल्लामा जिल्ला निर्वाचन अधिकृतले नयाँ मिति तोक्ने अधिकार निर्वाचन समितिले दिएको छ ।
कांग्रेसले पहिलो पटक प्रदेश सभा क्षेत्रीय अधिवेशन गर्न लागेको हो । संविधानको व्यवस्था अनुसार ३३० प्रदेश सभा निर्वाचन क्षेत्रमा कांग्रेसको नयाँ कार्यसमिति चयन हुनेछ । यसअघि कांग्रेसले स्थानीय तहमा निर्देशिका बनाएर सहमतिमा प्रदेश सभा क्षेत्रीय कार्यसमिति चयन गरेको थियो ।
प्रदेश सभा क्षेत्रीय अधिवेशनले प्रदेश महाधिवेशन प्रतिनिधिसमेत चयन गर्नेछ । ती महाधिवेशन प्रतिनिधिले प्रदेश कमिटी चयन गर्नेछन् ।
कांग्रेसको प्रदेश सभा अधिवेशन मंसिर १६(१७ गते हुँदैछ । कांग्रेस केन्द्रीय महाधिवेशन मंसिर २४(२६ सम्म काठमाडौंमा हुँदैछ ।
