शनिवार, कार्तिक २२ गते २०८३
शनिवार, कार्तिक २२ गते २०८३
बिहिवार , कार्तिक २५, २०७८
काठमाडौँ, कात्तिक । स्वीस सरकारको उच्चस्तरीय प्रतिनिधिमण्डल र नेपाली कांग्रेसका उपसभापति विमलेन्द्र निधिबीच बिहीबार भेटवार्ता भएको छ ।स्वीस सहयोग रणनीति मूल्यांकनका लागि नेपाल भ्रमणमा रहेको टोली निधि निवास वानेश्वरमा भेटवार्ता भएको हो । सो भेटमा स्वीस प्रतिनिधिमण्डलले नेपालको परिवर्तित राजनीतिक सन्दर्भ, नयाँ संविधान र संघीयता कार्यान्वयन तथा संक्रमणकालीन न्यायका बारेमा सरोकार राखेको जनाइएको छ ।
उपसभापति निधिले विकास निर्माणका क्षेत्रमा स्वीस सरकारले गरेको सहयोगका निम्ति धन्यवाद ज्ञापन गर्नुभएको थियो ।
निधिले नेपालमा कृषि, जलविद्युत् क्षेत्रमा लगानी गर्न लगानीकर्ता पठाउन पनि आग्रह गरेका थिए । नेपालका लागि स्वीस राजदूत एलिजावेथ भन क्यापिलरले त्यसका लागि आफूहरु तयार रहेको भन्दै नेपालको झन्झटिलो सार्वजनिक खरिद ऐन संशोधन गर्नुपर्ने ध्यानाकर्षण गराएकी थिइन् ।
नेपाल भ्रमणमा रहेको उच्चस्तरीय प्रतिनिधिमण्डलले प्रदेश १ का विभिन्न जिल्लामा सञ्चालित परियोजनाको स्थलगत भ्रमण गर्ने कार्यक्रम छ । प्रतिनिधिमण्डलमा राजदूत क्यापिलरसहित उच्च अधिकारीहरु मेरी हब्ली, गर्ट इञ्जल्समन, क्रिस्टोफ गार्फ र जोसे लुइस पेरेरा ओसियो सहभागी थिए ।
