शनिवार, कार्तिक २२ गते २०८३
शनिवार, कार्तिक २२ गते २०८३
बुधवार , भाद्र २३, २०७८
काठमाडौं, भदाै । नेकपा एमालेका प्रमुख सचेतक विशाल भट्टराईले एमालेले कारबाही गरेका १४ जना सांसदलाई कारबाही नगरेर पार्टी टुक्राउन किन मतियार बनेको भन्दै सभामुखलाई प्रश्न गरेका छन् ।
बुधवारबाट सुरु भएको संसद् बैठकको सुरुमा नै भट्टराईले सभामुख अग्निप्रसाद सापकोटा प्रति आक्रामक हुँदै एमाले टुक्राउन किन मतियार बनेको भन्दै प्रश्न गरेका हुन् ।
एमालेले कारबाही गरेका १४ जना सांसदलाई बचाउन र नेकपा एमाले टुक्राउन किन मतियार बन्नुभयो ?, संसद्मा भट्टराईले सभामुखलाई प्रश्न गर्दै भने । एमालेले १४ जना सांसदलाई पार्टीबाट कारबाही गर्दा सभामुखले सूचना टाँस नगरी कारबाही रोकेको आरोप लगाउँदै आइरहेको छ ।
एमालेले कारबाही गरेका १४ सांसद सहभागी हुँदासम्म संसद् चल्न नदिने भन्दै अवरुद्ध गरेको छ । त्यसपछि सभामुखले १५ मिनेटका लागि बैठक स्थगित गरेका छन् ।
उपस्थित भएसम्म संसद् चल्न नदिने अडान राखेर बुधवार को बैठक अवरुद्ध गरेको छ । एमाले सांसदको नाराबाजीपछि सभामुख सापकोटाले १५ मिनेटका लागि बैठक स्थगित गरेका छन् । त्यसअघि एमाले सांसदहरूले प्रधानमन्त्री र सभामुख विरुद्ध नाराबाजी गरेका थिए ।
