शनिवार, कार्तिक २२ गते २०८३
शनिवार, कार्तिक २२ गते २०८३
माग सम्बोधन गर्ने देउवाको आश्वासनपछि अनसन तोड्न तयार
शनिवार , भाद्र १२, २०७८
काठमाडौं, भदौ । बिगत चार दिनदेखि जारी नेपाली कांग्रेसका जिल्ला सभापतिको अनसन आज तोडेका छन । केन्द्रीय कार्यालय सानेपामा जारी रिले अनसन सभापति शेरबहादुर देउवा र बरिष्ठ नेता रामचन्द्र पौडेलबीच छलफलपछि भएको सहमतिपछि तोडेका हुन् ।
सानेपास्थित पार्टी केन्द्रीय कार्यालयमा जारी अनसन शनिबार साँझ शीर्ष नेताको रोहबरमा टुंङ्याएको हो ।
गत बुधबारदेखि महाधिवेशन केन्द्रीत विभिन्न माग राखेर अनसन शुरु गरेका जिल्ला सभापतिहरुले केन्द्रीय नेताबीच सहमति भएपछि अनसन तोडेका हुन् ।
क्रियाशील सदस्यताको विवाद टुंग्याएपछि नेता कृष्णप्रसाद सिटौला, मिनेन्द्र रिजाल र रमेश लेखक अनसनस्थल केन्द्रीय कार्यालय पुगेर शनिबार साँझ अनसनस्थल पुगेर अनसन तोडाएका हुन्।
कांग्रेस सभापति तथा प्रधानमन्त्री शेरबहादुर देउवाले माग सम्बोधन गर्ने आश्वासन दिएपछि उनीहरूले अनसन तोड्न तयार भएका थिए ।
विधिसम्मत आएका क्रियाशील सदस्यको नाम छुटेको भए पुनः नामावलीमा समावेश गर्ने प्रतिबद्धता जनाएपछि अनसन तोडेको बताईएको छ ।
क्रियाशील सदस्यताको सूची सार्वजनिक, जिल्ला सभापतिको उम्मेदवारबारे बनाइएको दोहोरो मापदण्ड खारेजीलगायत माग अगाडि सारेर कांग्रेस बरिष्ठ नेता पौडेल पक्षका जिल्ला सभापतिहरू रिले अनशनमा रहेका थिए ।
यसअघि पौडेलपक्षका नेता तथा जिल्ला सभापतिको बिहान बसेको बैठकको निर्णय अनुसार अनसन तोड्ने सहमति बनेको थियो।
अनसन तोडिएपछि नुवाकोट जिल्ला कांग्रेसका सभापति जगदीश्वरनर सिंह केसीले माग पुरा भएको प्रतिक्रिया दिंदै अब महाधिवेशनमा केन्द्रीत हुने बताए ।
