आइतवार, कार्तिक २३ गते २०८३
आइतवार, कार्तिक २३ गते २०८३
शुक्रवार , श्रावण २२, २०७८
काठमाडौं, साउन । नेपाली काँग्रेस भित्रको रामचन्द्र पौडेल समूहले महाधिवेशनका विषयमा सभापति शेरबहादुर देउवालाई दबाब दिन जिल्ला सभापतिलाई छलफलमा बोलाएको छ ।
काँग्रेस भित्रको संस्थापन इतर समूह मानिएको पौडेल समूहले २५ साउनका लागि काठमाडौँमा उपलब्ध जिल्ला सभापतिलाई छलफलका लागि बोलाएको हो ।
काँग्रेस नुवाकोटका सभापति जगदिशनरसिंह केसीले काठमाडौँमा उपलब्ध जिल्ला सभापतिलाई महाधिवेशन र क्रियाशील सदस्यताका विषयमा छलफल गर्न २५ गतेका लागि बोलाइएको सञ्चारकर्मीलाई जानकारी दिए ।
१४ औँ महाधिवेशन पूर्वनिर्धारित मितिमा नहुने पक्का भएपछि पौडेल समूहले जिल्ला सभापतिमार्फत सभापति देउवामाथि दबाब बढाउन खोजेको हो ।
तर सोही समूहका मानिने महामन्त्री डा शशाङ्क कोइरालाले भने शुक्रवार मात्रै महाधिवेशन मङ्सिरमा हुने बताएका थिए । सो क्रममा उनले आफू आगामी महाधिवेशनमा सभापतिको उम्मेदवार भएकोसमेत भनेका छन् ।
