आइतवार, कार्तिक २३ गते २०८३
आइतवार, कार्तिक २३ गते २०८३
आइतवार , श्रावण ३, २०७८
काठमाडौं, साउन । नेकपा एमालेका नेता एवम् प्रतिनिधि सभा सदस्य प्रदीप ज्ञवालीले सर्वोच्च अदालतको फैसलाले संवैधानिक निकायबीचको शक्ति सन्तुलनमा खलबल्याएको आरोप लगाएका छन् ।
देउवालाई प्रधानमन्त्री बनाउने नाममा सर्वोच्च अदालतले संविधानको धारा ७६ ९५०को अपव्याख्या गरेर जस्केलाबाट निर्दलीय व्यवस्था भित्र्याएको आरोप पनि लगाए । उनले देशमा पुनः निर्दलीय व्यवस्थाको अभ्यास भएको टिप्पणी गरे । एमालेले सर्वोच्च
अदालतको फैसला मान्ने बताउँदै नेता ज्ञवालीले सर्वोच्चले प्रधानमन्त्री तोक्ने कुराको गर्न नसकिने बताए।
‘एमाले विधिको शासनमा विश्वास गर्छ। संविधानको सर्वोच्चतामा विश्वास गर्छ। जतिसुकै अप्रिय भए पनि हामी सर्वोच्च अदालतका फैसला मान्छौं तर, जे भए पनि सर्वोच्चले प्रधानमन्त्री तोक्ने कुराको हामी कल्पना गर्दैनौं’ उनले भने ।
त्यस्तै ज्ञवालीले सर्वोच्चको अपव्याख्याबाट देउवा प्रधानमन्त्री बनेकोप्रति आपत्ति जनाउँदै उनले भने, ‘२०६१ सालमा उहाँलाई श्री ५ ले प्रधानमन्त्री बनाएका थिए। न्याय पायौँ भन्नु भयो तर माघ १९ मा आइपुग्दा के भयो हामीलाई थाहा छ। अहिले श्रीमान ५ ले प्रधानमन्त्री बनाइदिएका छन्। तर यसले हाम्रो बहुदलीय व्यवस्थालाई कुरुप बनाउँदैछ।’
