बिहिवार, कार्तिक २० गते २०८३
बिहिवार, कार्तिक २० गते २०८३
बुधवार , आषाढ ३०, २०७८
काठमाडौं, असार,। पछिल्लो २४ घण्टामा थप २९०५ मा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८१०८ पीसीआर परीक्षणमा २०१० र ४९१६ एन्टिजेन परीक्षणबाट ८९५ मा संक्रमण पुष्टि भएको हो ।
कोरोना संक्रमणबाट पछिल्लो २४ घण्टामा १८ को मृत्यु भएको छ र १६०६ संक्रमणमुक्त भएका छन् । हाल सक्रिय संक्रमितको संख्या २६ हजार ६४७ रहेका छन् ।
जसमध्ये २४ हजार ९९ होम आइसोलेसनमा र २५ सय ४८ संस्थागत आइसोलेसनमा रहेका छन् । पछिल्लो २४ घण्टामा काठमाडौं उपत्यकामा ४२५ संक्रमित भेटिएका छन् । जसमध्ये काठमाडौंमा २९४, भक्तपुरमा ६७ र ललितपुरमा ६२ संक्रमित भेटिएका छन् ।
कुन जिल्लामा कति संक्रमित थपिए ? स्वास्थ्य तथा जनसंख्या मन्त्रालयका अुनसार सबैभन्दा धेरै काठमाडौंमा २९४, कास्कीमा २३१, झापामा १७९, मोरङमा १५२, सुनसरीमा १४१ र चितवनमा १३६ जनामा कोरोना संक्रमण पुष्टि भएको छ ।
यस्तै भक्तपुरमा ६९, ललितपुरमा ६२, नवलपरासी पूर्वमा ५४, रुपन्देहीमा ५२, तनहुँमा ४२, काभ्रेपलाञ्चोकमा ४१, स्याङजामा ३६, नुवाकोटमा ३३, बर्दियामा ३०, गोरखा र दाङमा २७/२७ जना, बागलुङमा २६, लमजुङ र कैलालीमा २२/२२ जनामा कोरोना संक्रमण देखिएको छ ।
सिन्धुपाल्चोक, दैलेख र सुर्खेतमा १८/१८ जना, धादिङ र सल्यानमा १६/१६ जना, पाल्पा र जुम्लामा १३/१३ जना, सप्तरी र गुल्मीमा १२/१२ जनामा कोरोना संक्रमण पुष्टि भएको मन्त्रालयले जनाएको छ।
यस्तै १० वर्ष मुनिका ७६ बालबालिकामा कोरोना संक्रमण देखिएको छ भने ११ देखि २० वर्ष उमेर समूहका १८८ कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ ।
