आइतवार, कार्तिक २३ गते २०८३
आइतवार, कार्तिक २३ गते २०८३
माधव नेपालसहित ११ नेतामाथि यसअघि गरिएको कारवाही समेत फिर्ता
बुधवार , आषाढ १६, २०७८
काठमाडौं, असार । नेकपा एमालेको महाधिवेशन आयोजक कमिटी भंग गर्दै आठ नेतालाई स्थायी कमिटीमा मनोनयन गरिएको छ ।
महाधिवेशन आयोजक कमिटीको नाममा भए गरेका एमालेका कामकारवाही केन्द्रीय कमिटीकै नामबाट सन्चालन हुने गरी एमालेलाई २०७५ जेठ २ को अवस्थामा फर्काउदै माओवादीबाट आएका नेतासहित आठलाई स्थायी कमिटीमा मनोनयन गरेको हो ।
वालुवाटारमा बुधवार बसेको महाधिवेशन आयोजक कमिटीको बैठकले नेकपा एकतापछि स्थायी कमिटीमा समेटिएका एमालेका चार र माओवादीका चार नेतालाई थप गरेको हो ।
महाधिवेशन आयोजक कमिटी खारेजसँगै माधव नेपालसहित ११ नेतामाथि यसअघि गरिएको कारवाही समेत फिर्ता भएको छ ।
नेकपा एकता प्रक्रियामा एमालेबाट थपिएका रघुवीर महासेठ, विष्णु रिमाल, बेदुराम भुसाल र रघुजी पन्तसहित माओवादीतर्फ नलागी एमालेमा समाहित भएका रामबहादुर थापा बादल, टोपबहादुर रायमाझी, लवेखराज भट्ट, मणि थापा स्थायी कमिटी सदस्य बनेका छन् ।
