आइतवार, कार्तिक २३ गते २०८३
आइतवार, कार्तिक २३ गते २०८३
आफू उम्मेदवार बन्ने भन्दै धेरै महाधिवेशन प्रतिनिधि जुटाउन आग्रह गर्दै आएका छन्
आइतवार , आषाढ ६, २०७८
काठमाडौं, असार । सभापतिको उम्मेदवार फेरि पनि बन्ने तयारीमा रहेका कांग्रेस सभापति शेरबहादुर देउवाले आज पनि आफू निकटका नेतासँग छलफल गर्दैछन । यसअघि प्रदेश १ र २ का नेतासँग छलफल गरेका देउवाले अहिले बागमती प्रदेशका नेतासँग छलफल गरिरहेका छन् ।
बुढानीलकण्ठस्थित देउवा निवासमा जारी छलफलमा कृष्णप्रसाद सिटौला पक्षका नेता शिव हुमागाइँ पनि सहभागी छन् । बागमती प्रदेशका नेतासँग छलफल सकेर आज नै गण्डकी प्रदेशका नेतासँग छलफल गर्ने तयारी रहेको सभापति देउवाको सचिवालयले जनाएको छ ।
हालसम्मको छलफलमा देउवाले आसन्न १४औं महाधिवेशनमा आफू उम्मेदवार बन्ने भन्दै धेरैभन्दा धेरै महाधिवेशन प्रतिनिधि जुटाउन आग्रह गर्दै आएका छन् ।
शनिबार प्रदेश २ का नेतासँग छलफल गर्दा उपसभापति विमलेन्द्र निधिले पनि सभापतिको उम्मेदवार बन्ने इच्छा देखाएका थिए । तर देउवाले निधिलाई समर्थन गर्ने संकेत नदेखाएको एक नेताले बताए ।
नेपाली काँग्रेसको १४औं महाधिवेशन आगामी भदौ १६ गतेदेखि १९ गतेसम्म निर्धारण गरिएको छ ।
