बिहिवार, कार्तिक २० गते २०८३
बिहिवार, कार्तिक २० गते २०८३
शुक्रवार , आषाढ ४, २०७८
काठमाडौं, असार । काठमाडौं उपत्यकामा कोरोनाभाइरसका ५०८ सङ्क्रमित थपिएका छन् । गएको चौबीस घण्टामा उपत्यकाका तीन जिल्लामा ५०८ सङ्क्रमित थपिएको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयका अनुसार काठमाडौं जिल्लामा ३९४, ललितपुरमा ६० र भक्तपुरमा ५४ मा सङ्क्रमणको पुष्टि भएको छ । काठमाडौंमा हाल छ हजार ७३५, ललितपुरमा दुई हजार ९८३ र भक्तपुरमा दुई हजार २५० सङ्क्रमित छन् ।
काठमाडौंमा हालसम्म दुई लाख ८९०, ललितपुरमा ३६ हजार ५१९ र भक्तपुरमा २१ हजार ७२३ सङ्क्रमित भएका छन् । मन्त्रालयका अनुसार काठमाडौं जिल्लामा हालसम्म एक हजार ८०३, ललितपुरमा ५२३ र भक्तपुरमा ३५२ सङ्क्रमितको मृत्यु भएको छ । मन्त्रालयले हाल ८७२ आईसीयूमा रहेकोमा २४६ भेन्टिलेटरमा रहेको जनाएको छ ।
