बिहिवार, कार्तिक २० गते २०८३
बिहिवार, कार्तिक २० गते २०८३
मंगलवार , जेठ २५, २०७८
काठमाडौं, जेठ । काठमाडौं उपत्यकामा कोरोनाका एक हजार २२६ सङ्क्रमित थपिएका छन् । उपत्यकाका तीन जिल्लामा पछिल्लो चौबीस घण्टामा एक हजार २२६ सङ्क्रमित थपिएको स्वास्थ्य तथा जनसंख्या मन्त्रालयले जनाएको छ ।
देशभरि तीन हजार ८७० सङ्क्रमित थपिएकोमा करीब एक तिहाइ काठमाडौं उपत्यकामा छन् । मन्त्रालयका अनुसार काठमाडौं जिल्लामा ८३६, ललितपुरमा २६९ र भक्तपुरमा १२१ मा सङ्क्रमणको पुष्टि भएको हो ।
मन्त्रालयले काठमाडौंमा हाल ११ हजार ४२३, ललितपुरमा चार हजार ५०१ र भक्तपुरमा तीन हजार ४५४ सक्रिय सङ्क्रमित रहेको जनाएको छ। काठमाडौंमा हालसम्म एक हजार ७२८, ललितपुरमा ४९६ र भक्तपुरमा ३४५ ले कोरोना सङ्क्रमणले ज्यान गुमाएका छन् ।
